နာမည်မှာ Drink Water ပါတာကြောင့် ရေသန့်ကုမ္ပဏီ Brand Ambassador ဖြစ်လာခဲ့သူ

ဖိလစ်ပိုင်နိုင်ငံက တက္ကသိုလ်ကျောင်းသားတယောက်ဟာ သူ့ရဲ့နာမည်ကြောင့် အင်တာနက်မှာ နာမည်ကြီးသွားခဲ့ပါတယ်။

သူ့ရဲ့နာမည် Drink Water လို့ နာမည်ကြီးလာပြီးနောက်ပိုင်းမှာ ရေသန့်နဲ့ အချိုရည်ကုမ္ပဏီရဲ့ Brand Ambassador ဖြစ်လာခဲ့ပါတယ်။

သူ့ရဲ့နာမည်အပြည့်အစုံကတော့ Drink Water V.Rivera ဖြစ်ပါတယ်။ သူ့ရဲ့ID ပုံကို အတန်းဖော်တစ်ယောက်က တွစ်တာမှာ တင်လိုက်တဲ့အခါ နာမည်ကြီးသွားပါတယ်။

အဲဒီအခါ သောက်ရေသန့်နဲ့ အားဖြည့်အချိုရည်ကုမ္ပဏီဖြစ်တဲ့ Gatorade က Rivera ထံ ချဉ်းကပ်လာပြီးတော့ ကြော်ငြာရိုက်ဖို့ ကမ်းလှမ်းခဲ့ပါတယ်။ ကြော်ငြာထဲမှာ Rivera က သူ့ရဲ့နာမည်ဖြစ်ပေါ်လာပုံအကြောင်းကို ရှင်းပြထားပါတယ်။

Rivera ရဲ့ အမေက Rivera ကို ကိုယ်ဝန်ဆောင်စဉ်တုန်းက ရေကိုပဲ ချဉ်ခြင်းတပ်တာကြောင့် မွေးလာတဲ့အခါ Drink Water ဆိုတဲ့ နာမည်ပါအောင် မှည့်ခေါ်ပေးခဲ့ပါတယ်။

သူ့ရဲ့နာမည်က ရေရဲ့အရေးပါပုံ၊ ရေဓာတ်ပြည့်ဝအောင်နေသင့်ပုံတို့ကို လူတိုင်းကို သတိပေးသလိုဖြစ်တာကြောင်း အရမ်းကို ကျေနပ်ကြောင်း Drink Water V.Rivera က ဆိုပါတယ်။ လူတွေက သူ့နာမည်ကို ကြားပြီးနောက်မှာလည်း အချိုရည်ကိုပါ တွဲပြီး သိလာကြပါတယ်။