ပိုက်ဆံများများရှာချင်ရင် ပိုက်ဆံများများရှိတဲ့နေရာမှာ ရှာပါ

ပိုက်ဆံရှာချင်ရင် ပိုက်ဆံများများရှိတဲ့ နေရာမှာ ရှာရတယ်။ တိုးတက်ချင်ရင် အခွင့်အလမ်းတွေ များတဲ့နေရာကို တိုးရဲရပါတယ်။ မျောက်တကောင်ကို ငှက်ပျောသီး တလုံးနဲ့ ရွှေချောင်းတချောင်း ပေးမယ်။ မျောက်က ငှက်ပျောသီးကို ရွေးချယ်မှာပါ။ ရွှေချောင်းနဲ့ ငှက်ပျောသီး အများကြီးကို လဲလှယ်နိုင်မှန်း မျောက်က မသိဘူးလေ။

အလားတူပါပဲ လူတယောက်ကို ရွှေချောင်းတချောင်းနဲ့ ဉာဏ်ပညာတခု ပေးမယ်။ လူတော်တော်များများက ရွှေချောင်းကို ရွေးချယ်ကြမှာပါ။ ဉာဏ်ပညာကနေ ရွှေချောင်းအများကြီး ပြန်ရှာနိုင်တယ် ဆိုတာ မယုံကြည်ကြဘူးလေ။

အချိန်တော်တော်များများမှာ ရွှေးချယ်မှုဟာ ကြိုးစားမှုထက် အရေးကြီးတတ်ပါတယ်။ ငါဘာကောင်လဲဆိုတာ အရေးမကြီးဘူး။ ငါဘာလုပ်နေလဲ ဆိုတာတော့ အလွန်အရေးကြီးပါတယ်။ ငါလုပ်နေတဲ့ အလုပ်ကို အကောင်းဆုံးဖြစ်အောင် လုပ်မယ်ဆိုတဲ့စိတ်က အရေးတကာ့ အရေးအကြီးဆုံးပါ။

ဘဝဆိုတာ ပင်ပန်းမှုတွေ၊ ဝေဖန်မှုတွေ ၕကန်မလွဲ သင်ကြုံရမှာပါ။ အခု မပင်ပန်းချင်ဘူးဆိုရင် နောင်မှာ ပိုပြီးပင်ပန်းပါလိမ့်မယ်။ ဘဝဆိုတာ ဒုက္ခအများကြီးနဲ့ ကြုံရစမြဲပါ။ သင် ဒီတနေ့ ဒုက္ခမခံနိုင်ဘူး ဆိုရင် နောင်မှာ ပိုပြီး ဒုက္ခတွေ့ရလိမ့်မယ်။

ပျော်ရွင်ခြင်း ဆိုတာကတော့ ပင်ပန်းပြီးမှ အနားယူရတဲ့ အရသာမျိုးပါ။ ခါးသက်ပြီးမှ ချိုမြိန်ခြင်းရဲ့ အရသာမျိုး ဖြစ်ပါတယ်။ ဒါကြောင့် အသက်ငယ်ရွယ်စဉ်မှာ အပြင်လောကကို ဝင်တိုးစမ်းပါ။ သတ္တိရှိရှိ အပြင်လောကကို ဝင်တိုးလိုက်စမ်းပါ။ မြို့ကြီးပြကြီးကို ဝင်တိုးရဲစမ်းပါ။ မိုးတွေလေတွေရဲ့ ဆေးကြောမှုကို ခံယူပစ်လိုက်။ ကံဆိုးမိုးမှောင်လို့ တချိန်တုန်းက ထင်မြင်ခဲ့တာတွေကို စိန်ခေါ်မှုလို့ ပြောင်းလဲပြီး တွေးမြင်လိုက်ပါ။

အခု အောင်မြင်ချမ်းသာနေတဲ့ လူတော်တော်များများက ပိုက်ဆံ အရင်ရှိလို့ မဟုတ်ပါဘူး။ သတ္တိအရင်ရှိလို့ အောင်မြင်လာခဲ့ကြတာပါ။ "ပိုက်ဆံရှာချင်ရင် ပိုက်ဆံများများရှိတဲ့ နေရာမှာ ရှာရတယ်။ တိုးတက်ချင်ရင် အခွင့်အလမ်းတွေ များတဲ့ နေရာကို တိုးရဲရပါတယ်။"

ဒီလောကကြီးမှာ သင်ကိုယ်တိုင်က လွဲရင် သင့်ကို တကယ် ကူညီမယ့်သူ မရှိပါဘူး။ ကြက်ဥဆိုတာ ပြင်ပကနေ ရိုက်ခွဲရင် ဟင်းဖြစ်သွားတယ်။ အတွင်းကနေ ခွဲထွက်ခဲ့ရင်တော့ ဘဝသစ် ဖြစ်လာတယ်။ လူဆိုတာလည်း ဒီအတိုင်းပါပဲ။ သုတေသနတွေအရ မျှော်မှန်းထားတဲ့ အခက်အခဲဆိုတာ ၅ % ပဲ မှန်ကန်လေ့ ရှိပါတယ်။

သင်ကြုံရမယ့် အခက်အခဲ အတားအဆီးတွေဟာ မျှော်လင့်ထားတဲ့ အရာတွေ မဟုတ်ဘူး။ ပြီးရင် အဲ့ဒီအခက်အခဲ တားဆီးမှုတွေ ဆုံးရှုံးမှုတွေဟာလည်း ကံနဲ့ မသက်ဆိုင်ဘူး။ ဒီအခက်ခဲနဲ့ တားဆီးရှုံးနိမ့်မှုတွေက တချိန်ချိန်မှာ သင့်အတွက် အဖိုးမဖြတ်နိုင်တဲ့ ဘဝအတွေ့အကြုံကို ရရှိစေမှာပါ။ စိတ်ရှင်းရင်း ဘဝရှင်းပါတယ်။ စိတ်လွတ်လပ်ရင် ဘဝလွတ်လပ်တယ်။ ဘာပဲလုပ်လုပ် နည်းလမ်းများများရှာပါ။ ဆင်ခြေများများရှောင်ပါ။ သင်အောင်မြင်မှာပါ။ NaingMin

Zawgyi

ပိုက္ဆံမ်ားမ်ားရွာခ်င္ရင္ ပိုက္ဆံမ်ားမ်ားရွိတဲ့ေနရာမွာ ရွာပါ

ပိုက္ဆံရွာခ်င္ရင္ ပိုက္ဆံမ်ားမ်ားရွိတဲ့ ေနရာမွာ ရွာရတယ္။ တိုးတက္ခ်င္ရင္ အခြင့္အလမ္းေတြ မ်ားတဲ့ေနရာကို တိုးရဲရပါတယ္။ ေမ်ာက္တေကာင္ကို ငွက္ေပ်ာသီး တလုံးနဲ႔ ေ႐ႊေခ်ာင္းတေခ်ာင္း ေပးမယ္။ ေမ်ာက္က ငွက္ေပ်ာသီးကို ေ႐ြးခ်ယ္မွာပါ။ ေ႐ႊေခ်ာင္းနဲ႔ ငွက္ေပ်ာသီး အမ်ားႀကီးကို လဲလွယ္ႏိုင္မွန္း ေမ်ာက္က မသိဘူးေလ။

အလားတူပါပဲ လူတေယာက္ကို ေ႐ႊေခ်ာင္းတေခ်ာင္းနဲ႔ ဉာဏ္ပညာတခု ေပးမယ္။ လူေတာ္ေတာ္မ်ားမ်ားက ေ႐ႊေခ်ာင္းကို ေ႐ြးခ်ယ္ၾကမွာပါ။ ဉာဏ္ပညာကေန ေ႐ႊေခ်ာင္းအမ်ားႀကီး ျပန္ရွာႏိုင္တယ္ ဆိုတာ မယုံၾကည္ၾကဘူးေလ။

အခ်ိန္ေတာ္ေတာ္မ်ားမ်ားမွာ ေ႐ႊးခ်ယ္မႈဟာ ႀကိဳးစားမႈထက္ အေရးႀကီးတတ္ပါတယ္။ ငါဘာေကာင္လဲဆိုတာ အေရးမႀကီးဘူး။ ငါဘာလုပ္ေနလဲ ဆိုတာေတာ့ အလြန္အေရးႀကီးပါတယ္။ ငါလုပ္ေနတဲ့ အလုပ္ကို အေကာင္းဆုံးျဖစ္ေအာင္ လုပ္မယ္ဆိုတဲ့စိတ္က အေရးတကာ့ အေရးအႀကီးဆုံးပါ။

ဘဝဆိုတာ ပင္ပန္းမႈေတြ၊ ေဝဖန္မႈေတြ ၕကန္မလြဲ သင္ႀကဳံရမွာပါ။ အခု မပင္ပန္းခ်င္ဘူးဆိုရင္ ေနာင္မွာ ပိုၿပီးပင္ပန္းပါလိမ့္မယ္။ ဘဝဆိုတာ ဒုကၡအမ်ားႀကီးနဲ႔ ႀကဳံရစၿမဲပါ။ သင္ ဒီတေန႔ ဒုကၡမခံႏိုင္ဘူး ဆိုရင္ ေနာင္မွာ ပိုၿပီး ဒုကၡေတြ႕ရလိမ့္မယ္။

ေပ်ာ္႐ြင္ျခင္း ဆိုတာကေတာ့ ပင္ပန္းၿပီးမွ အနားယူရတဲ့ အရသာမ်ိဳးပါ။ ခါးသက္ၿပီးမွ ခ်ိဳၿမိန္ျခင္းရဲ႕ အရသာမ်ိဳး ျဖစ္ပါတယ္။ ဒါေၾကာင့္ အသက္ငယ္႐ြယ္စဥ္မွာ အျပင္ေလာကကို ဝင္တိုးစမ္းပါ။ သတၱိရွိရွိ အျပင္ေလာကကို ဝင္တိုးလိုက္စမ္းပါ။ ၿမိဳ႕ႀကီးျပႀကီးကို ဝင္တိုးရဲစမ္းပါ။ မိုးေတြေလေတြရဲ႕ ေဆးေၾကာမႈကို ခံယူပစ္လိုက္။ ကံဆိုးမိုးေမွာင္လို႔ တခ်ိန္တုန္းက ထင္ျမင္ခဲ့တာေတြကို စိန္ေခၚမႈလို႔ ေျပာင္းလဲၿပီး ေတြးျမင္လိုက္ပါ။

အခု ေအာင္ျမင္ခ်မ္းသာေနတဲ့ လူေတာ္ေတာ္မ်ားမ်ားက ပိုက္ဆံ အရင္ရွိလို႔ မဟုတ္ပါဘူး။ သတၱိအရင္ရွိလို႔ ေအာင္ျမင္လာခဲ့ၾကတာပါ။ "ပိုက္ဆံရွာခ်င္ရင္ ပိုက္ဆံမ်ားမ်ားရွိတဲ့ ေနရာမွာ ရွာရတယ္။ တိုးတက္ခ်င္ရင္ အခြင့္အလမ္းေတြ မ်ားတဲ့ ေနရာကို တိုးရဲရပါတယ္။"

ဒီေလာကႀကီးမွာ သင္ကိုယ္တိုင္က လြဲရင္ သင့္ကို တကယ္ ကူညီမယ့္သူ မရွိပါဘူး။ ၾကက္ဥဆိုတာ ျပင္ပကေန ႐ိုက္ခြဲရင္ ဟင္းျဖစ္သြားတယ္။ အတြင္းကေန ခြဲထြက္ခဲ့ရင္ေတာ့ ဘဝသစ္ ျဖစ္လာတယ္။ လူဆိုတာလည္း ဒီအတိုင္းပါပဲ။ သုေတသနေတြအရ ေမွ်ာ္မွန္းထားတဲ့ အခက္အခဲဆိုတာ ၅% ပဲ မွန္ကန္ေလ့ ရွိပါတယ္။

သင္ႀကဳံရမယ့္ အခက္အခဲ အတားအဆီးေတြဟာ ေမွ်ာ္လင့္ထားတဲ့ အရာေတြ မဟုတ္ဘူး။ ၿပီးရင္ အဲ့ဒီအခက္အခဲ တားဆီးမႈေတြ ဆုံးရႈံးမႈေတြဟာလည္း ကံနဲ႔ မသက္ဆိုင္ဘူး။ ဒီအခက္ခဲနဲ႔ တားဆီးရႈံးနိမ့္မႈေတြက တခ်ိန္ခ်ိန္မွာ သင့္အတြက္ အဖိုးမျဖတ္ႏိုင္တဲ့ ဘဝအေတြ႕အႀကဳံကို ရရွိေစမွာပါ။ စိတ္ရွင္းရင္း ဘဝရွင္းပါတယ္။ စိတ္လြတ္လပ္ရင္ ဘဝလြတ္လပ္တယ္။ ဘာပဲလုပ္လုပ္ နည္းလမ္းမ်ားမ်ားရွာပါ။ ဆင္ေျခမ်ားမ်ားေရွာင္ပါ။ သင္ေအာင္ျမင္မွာပါ။ NaingMin