ပရိုတိန်းဓာတ်ကို အသားအပြင် အခြားရရှိနိုင်တဲ့ အစားအစာများ

အသားတွေမှာ ပရိုတိန်းဓာတ်တွေက ကြွယ်ဝစွာ ပါဝင်ပါတယ်။ ဒါပေမယ့် သက်သက်လွတ်စားတဲ့သူတွေအတွက်၊ အသားမစားတဲ့သူတွေအတွက်လည်း ပရိုတိန်းဓာတ်က လိုအပ်ပါသေးတယ်။ အသားဆီကနေရတဲ့ပရိုတိန်းကို အစားထိုးရနိုင်မယ့် အစားအစာတွေ ရှိပါတယ်။

ပရိုတိန်းက ဘာ့ကြောင့်အရေးကြီးတာလဲ။

ခန္ဓာကိုယ်အတွင်းက ဆဲလ်တွေ ဖွံ့ဖြိုးဖို့၊ ဆဲလ်တွေကို ပြုပြင်ဖို့ ပရိုတိန်းက လုပ်ဆောင်ပေးပါတယ်။ ပရိုတိန်းက ကြွက်သားနဲ့အရိုးတွေကိုလည်း သန်မာစေပါတယ်။

ဒါ့အပြင် အင်ဇိုင်းနဲ့ ဟော်မုန်းတွေ ထုတ်လုပ်ဖို့အတွက်လည်း ပရိုတိန်းက အရေးကြီးပါတယ်။ အဲဒါကြောင့် နေ့စဉ်အစားအစာတွေထဲမှာ ပရိုတိန်းကို မဖြစ်မနေထည့်သွင်း စားသုံးပေးသင့်ပါတယ်။

ပရိုတိန်းရရှိနိုင်မယ့် အခြားအစားအစာများ

အမိုင်နိုအက်စစ်ပါဝင်တဲ့ ပရိုတိန်းနဲ့ အမိုင်နိုအက်စစ်မပါဝင်တဲ့ ပရိုတိန်းဆိုပြီး အမျိုးအစားနှစ်မျိုးရှိပါတယ်။ အမိုင်နိုင်အက်စစ်မပါဝင်တဲ့ ပရိုတိန်းတွေကလည်း ခန္ဓာကိုယ်အတွက် အသုံးဝင်ပါတယ်။

ပဲပုပ်စေ့၊ တိုဖူး၊ ပဲအမျိုးမျိုး၊ ပန်းဂျုံတွေမှာ ပါဝင်တဲ့အမိုင်နိုအက်စစ်တွေက အသား၊ ကြက်ဥတို့ကနေ ရတဲ့အမိုင်နိုအက်စစ်လိုပါပဲ။

ကြက်သား ၂.၅ အောင်စမှာ ပရိုတိန်းက ၀.၈ အောင်စ ပါဝင်ပါတယ်။ ပဲနို့မှာတော့ ပရိုတိန်း ၀.၅ အောင်စပါဝင်ပြီး ပန်းဂျုံမှာတော့ ၀.၄၇ အောင်စ ပါဝင်ပါတယ်။

- ပဲနီလေး

- ကုလားပဲ

- ဗိုလ်စားပဲ

- နှမ်းကြတ်စေ့

- ဖရုံစေ့

- ဗာဒံစေ့

- အုတ်ဂျုံမှုန့်

- ကညွတ်

- ပန်းမုံလာစိမ်း

- ဟင်းနုနွယ်တို့ကို ကာဗိုဟိုက်ဒရိတ်လို့သတ်မှတ်ထားပေမယ့်လည်း သူတို့မှာ ပရိုတိန်းတွေက ၀.၁၄ အောင်စကနေ ၂.၅ အောင်စအထိ ပါဝင်ပါတယ်။ အမျှင်ဓာတ်တွေလည်း ပါရှိနေတဲ့အတွက် အသားနေရာမှာ အစားထိုး စားသုံးနိုင်တဲ့ ပရိုတိန်းတွေပါပဲ။

Zombie (lovemedia)

Post a Comment

0 Comments