တာရှည်ခံဆေးမပါဘဲ အရသာရှိတဲ့ခရမ်းချဉ်သီးဆော့စ်ကို အိမ်မှာတင်ပြုလုပ်နည်း

ဆော့စ်က အိမ်တိုင်းရဲ့မီးဖိုချောင်မှာ မရှိမဖြစ်အသုံးဝင်တဲ့ စားစရာတစ်မျိုးပါ။ ဆော့စ်ကို အိမ်မှာတင်လွယ်လွယ်ကူကူ ပြုလုပ်လို့ရပါတယ်။ အိမ်မှာ ပြုလုပ်တဲ့အရသာကလည်း ဆိုင်မှာဝယ်တဲ့ ဆော့စ်တွေနီးပါး အရသာရှိပါတယ်။

လိုအပ်သောပစ္စည်းများ

- ဒန်အိုးတစ်လုံး

- ယောက်မတစ်ချောင်း

- ဇကာ

- ကြိတ်စက်

- ထည့်သိမ်းရန် ဘူးများ

ပါဝင်ပစ္စည်းများ

- ပြုတ်ထားတဲ့ခရမ်းချဉ်သီး ၈၀၀ ဂရမ်

- သံလွင်ဆီ လက်ဖက်ရည်ဇွန်း ၂ ဇွန်း

- တောက်တောက်စင်းထားတဲ့ ကြက်သွန်နီတစ်လုံး

- ခြစ်ထားတဲ့ ကြက်သွန်ဖြူ

- သကြားခွက်တစ်ဝက်

- ပန်းသီးရှာလကာရည် ခွက်ရဲ့ ၄ ပုံ ၁ ပုံ

- ဆား လက်ဖက်ရည်ဇွန်းတစ်ဝက်

- သစ်ကြံပိုးမှုန့် လက်ဖက်ရည်ဇွန်းတစ်ဝက်

- လေးညှင်းမှုန့် လက်ဖက်ရည်ဇွန်း ၈ ပုံ ၁ ပုံ

- ဟင်းနံ့သာ လက်ဖက်ရည်ဇွန်း ၈ ပုံ ၁ ပုံ

- ငရုတ်သီးမှုန့် လက်ဖက်ရည်ဇွန်း ၈ ပုံ ၁ ပုံ

ပြုလုပ်နည်း

- အိုးထဲမှာ သံလွင်ဆီထည့်ပြီး ကျက်လာတဲ့အခါ တော်တောက်စင်းထားတဲ့ ကြက်သွန်နီကို ထည့်ပါ။ ကြက်သွန်နီတွေ ပျော့လာတဲ့အခါမှာ ကြက်သွန်ဖြူထည့်ပြီး စက္ကန့် ၃၀ ကြာ ကြော်ပေးပါ။

- ပြီးနောက် ပြုတ်ထားတဲ့ခရမ်းချဉ်သီး၊ သကြား၊ ရှာလကာရည်၊ ဆားနဲ့ ဟင်းခတ်အမွှေးအကြိင်တွေကို ထည့်လိုက်ပါ။ ပါဝင်ပစ္စည်းတွေကို သမာအောင် မွှေလိုက်ပြီး မီးကို လျှော့လိုက်ပါ။ ပျစ်လာတဲ့အထိ တစ်နာရီခန့်ကြာအောင် ဆက်တိုက်မွှေပေးပါ။


- တစ်နာရီကြာမွှေပြီးနောက်မှာ ခရမ်းချဉ်သီးတွေကို ကြိတ်စက်ထဲထည့်ပြီး ကြိတ်လိုက်ပါ။


- မွှေစက်ထဲက ခရမ်းချဉ်သီးအနှစ်တွေကို ဇကာနဲ့တိုက်ချပြီး အိုးတစ်ခုထဲကို ပြောင်းထည့်လိုက်ပါ။


- ခရမ်းချဉ်သီးဆော့စ်ကို အရသာမြည်းကြည့်ပြီး ပေါ့နေတဲ့အခါ ဆားနဲ့ အခြားဟင်းခတ်အမွှေးအကြိုင်တွေကို ထည့်နိုင်ပါတယ်။


- ရလာတဲ့ခရမ်းချဉ်သီးတွေကို ဘူးတွေထဲမှာ ထည့်ပြီး ရေခဲသေတ္တာထဲမှာ သိမ်းထားတဲ့အခါ တစ်လကြာ အထားခံပါတယ်။

Zombie (lovemedia)

Post a Comment

0 Comments