ညဘက်စားရင်တောင် ကိုယ်အလေးချိန်မတက်စေတဲ့ အစားအစာ (၆) မျိုး

ကိုယ်အလေးချိန်မတက်စေဖို့အတွက် ညစာ မစားသင့်ဘူးလို့ လမ်းညွှန်ကြပါတယ်။ ဒါပေမယ့် ဗိုက်ထဲမှာ ဘာအစာမှ မရှိတဲ့အခါမှာ အိပ်မပျော်ဘဲ ကိုယ်အလေးချိန်က ပိုတက်လာပါတယ်။

အဲဒါကြောင့် ညပိုင်းမှာ စားရင်တောင် ကိုယ်အလေးချိန် မတက်စေတဲ့ အစားအစာ ၆ မျိုးကို ဖော်ပြပေးလိုက်ပါတယ်နော်။

ကြက်ဥ

ကြက်ဥမှာ ပရိုတိန်းတွေ အများကြီးပါဝင်ပါတယ်။ အဲဒါကြောင့် ကြက်ဥစားပြီးနောက်မှာ အချိန်ကြာကြာဗိုက်ပြည့်နေတယ်လို့ ခံစားရစေပါတယ်။ ညစာကို လုံးဝမရှောင်ဘဲ ကြက်ဥပြုတ်၊ ဆီမပါဘဲ ကြော်ထားတဲ့ ကြက်ဥကြော်တို့ကို စားပေးလို့ရပါတယ်။

ချိစ်နဲ့ စပျစ်သီး

ချိစ်အနည်းငယ်လေးမှာတောင် ၁၀၀ ကယ်လိုရီခန့် ပါဝင်ပါတယ်။ ဒါပေမယ့် ချိစ်မှာ ပရိုတန်း၊ trytophan, casein တို့ ပါဝင်ပါတယ်။

Casein က ကြွက်သားကျန်းမာရေးအတွက် အကျိုးပြုပါတယ်။ စပျစ်သိးမှာ melatonin ပါဝင်တာကြောင့် ညဘက်အိပ်မပျော်တဲ့သူတွေအတွက် စားပေးသင့်တဲ့အသီးပါပဲ။

ကြက်ဆင်သား

ညစာကို လုံးဝမရှောင်ဘဲနဲ့ ကြက်ဆင်သားကိုလည်း ရွေးချယ်နိုင်ပါတယ်။ ကြက်ဆင်သားမှာ ပရိုတိန်းနဲ့ trytophan တို့ပါဝင်ပါတယ်။ ကြက်သားထက် ကြက်ဆင်သားကို ဦးစားပေးရွေးချဘ်ခြင်းက အစာခြေဖို့အတွက် ပိုမိုလွယ်ကူစေပါတယ်။

Hummus

Hummus မှာ အဓိကပါဝင်တာကတော့ ကုလားပဲပါပဲ။ ကုလားပဲမှာ ဗီတာမင် B6 ခပ်များများရှိနေပါတယ်။ ညဘက်ဗိုက်စာလို့ စားမယ်ဆိုရင် ပရိုတိန်းများများပါပြီး အကြာကြီးဗိုက်ပြည့်နေတယ်လို့ ခံစားရစေတဲ့ Hummus ကို ရွေးချယ်သင့်ပါတယ်။ Hummus ထဲကို သခွားသီး၊ ကျောက်ဖရုံသီးနဲ့ မုန်လာဥနီတို့ကို ထည့်သွင်းပြီးတော့ စားရင် ပိုကောင်းပါတယ်။

ပြောင်းဖူး

ညစာအဖြစ် ပြောင်းဖူးကိုလည်း စားပေးနိုင်ပါတယ်။ ပြောင်းဖူးပေါက်ပေါက်၊ ပြောင်းဖူးကြော်တို့ မဟုတ်ဘဲ ပြောင်းဖူးပြုတ်ကိုပဲ စားပေးသင့်တာပါ။

ပြောင်းဖူးပြုတ်က ပိုလျှံနေတဲ့ ကိုလက်စထရောတွေကို ခန္ဓာကိုယ်ကနေ ဖယ်ရှားပေးပါတယ်။ ဒါပေမယ့် ပြောင်းဖူးပြုတ်ထဲကို ထောပတ်နဲ့ ဆားတွေထည့်ပြီးစားရင်ကိုယ်အလေးချိန် ပိုတက်လာမှာပါ။

ငါး

နောက်ကျမှ စားဖြစ်တဲ့ ညစာအတွက် ငါးကိုလည်း ရွေးချယ်သင့်ပါတယ်။ အဆီများတဲ့ငါးတွေမှာ omega 3 fatty acid တွေပါဝင်တာကြောင့် ခန္ဓာကိုယ်ထဲမှာ ရှိတဲ့ အဆီတွေကို ဖြိုခွဲပေးပါတယ်။ ငါးမှာ ပါဝင်တဲ့ ပရိုတိန်းဓာတ်ကလည်း ဇီဝကမ္မဖြစ်စဉ်တွေအတွက် ကောင်းမွန်စေပါတယ်။

Zombie (lovemedia)

Post a Comment

0 Comments