ဆံပင်ကျွတ်ပြီး ပါးလာတဲ့အမျိုးသမီးတွေအတွက် ဆံပင်ကျွတ်သက်သာစေမယ့်နည်းလမ်း (၇) ခု

အမျိုးသမီးတွေရဲ့ဘဝမှာ ဆံပင်ကျွတ်တာကို မကြာခဏကြုံတွေ့ရလေ့ရှိပါတယ်။ အထူးသဖြင့် အသက် ၄၀ ကျော်အမျိုးသမီးတွေနဲ့ သွေးဆုံးဝေဒနာခံစားရတဲ့ အမျိုးသမီးတွေက ဆံပင်တွေ ပိုပြီး ကျွတ်ပါတယ်။

ဆံပင်တိုတဲ့အမျိုးသမီးတွေတောင် ဆံပင်ကျွတ်လေ့ရှိပါတယ်။ အဲဒါကြောင့် အမျိုးသမီးတွေအတွက် ဆံပင်ကျွတ်တာကို သက်သာစေမယ့် နည်းလမ်းလေးတွေကို love media ကနေ ဖော်ပြပေးလိုက်ပါတယ်နော်။

၁။ ဦးရေပြားကို ဆီလိမ်းပါ။

ဆံပင်ကျန်းမာရေးအတွက် ဆီလိမ်းပေးဖို့လိုအပ်ပါတယ်။ ဆံပင်တိုတဲ့သူတွေလည်း ဆီလိမ်းပေးသင့်ပါတယ်။ ကြက်ဆူဆီက ဦးရေပြားကို အားဖြည့်ပေးတာကြောင့် ဆံပင် ကျွတ်တာလည်း နည်းပါးလာစေပါတယ်။

၂။ ခေါင်းလျှော်ရည်ကို ပြောင်းလဲအသုံးပြုပါ။

ခေါင်းမှာ ဗောက်တွေအရမ်းထလာတဲ့အခါမှာတော့ ခေါင်းလျှော်ရည်ကို ပြောင်းလဲသုံးကြည့်ပါ။ အရင်ဆုံး ဆံပင်က ဆီထွက်တာ သက်သာဖို့ ခေါင်းလျှော်ရည်အပျော့စားနဲ့ လျှော်နိုင်ပါတယ်။

ဗောက်တွေက မသက်သာသွားတဲ့အခါမှာတော့ အရေပြားဆရာဝန်ညွှန်းနဲ့ ခေါင်းလျှော်ရည်ကို အသုံးပြုပါ။ ဓာတ်မတည့်တာနဲ့ ဟော်မုန်းအပြောင်းအလဲကြောင့်လည်း ခေါင်းမှာ ဗောက်တွေဖြစ်ပေါ်လာတတ်ပါတယ်။

၃။ သစ်ကြံပိုး

သစ်ကြံပိုးက ဆံသားနဲ့ ဦးရေပြားကို ကျန်းမာစေပါတယ်။ ဒါ့အပြင် ဘက်တီးရီးယားတွေကို ကာကွယ်ပေးတဲ့အစွမ်းရှိပြီး သွေးလည်ပတ်မှုကိုလည်း အားကောင်းစေပါတယ်။

သစ်ကြံပိုး mask လုပ်ဖို့အတွက် သစ်ကြံပိုးအမှုန့်နဲ့ အုန်းဆီကို ဆတူရောပြီး ဦးရေပြားအထိစိမ့်ဝင်သွားအောင် လိမ်းပေးပါ။ ဆံပင်မှာ ၄၅ မိနစ်ခန့် ပေါင်းထားပြီးရင် ရေဆေးချလိုက်လို့ရပါပြီ။

၄။ ခေါင်းလျှော်ရည်အပျော့စားနဲ့ လျှော်ပါ။

ဆံပင်ကျွတ်သက်သာဖို့ ခေါင်းကို နေ့တိုင်းလျှော်ဖို့ မလိုအပ်ပါဘူး။ တစ်ပတ်ကို ၃ ကြိမ်ခန့် လျှော်ပေးရင်လုံလောက်ပါတယ်။ ဆံပင်ကျွတ်သက်သာဖို့ဆိုရင် ဓာတုဆေးပါဝင်တဲ့ ခေါင်းလျှော်ရည်တွေကို ရှောင်ပြီး အပျော့စားခေါင်းလျှောက်ရည်ကိုသာ အသုံးပြုပါ။

အထူးသဖြင့် ချာမိုမိုင်း၊ ရှားစောင်းလက်ပတ်၊ ဘိုင်အိုတင်၊ ပရိုတိန်း၊ ဗီတာမင် E တို့ပါဝင်တဲ့ ခေါင်းလျှော်ရည်က ဆံပင်ကျွတ်သူတွေအတွက် ပိုသင့်တော်ပါတယ်။

၅။ Conditioner ကို အသုံးပြုပါ။

ဆံပင်ကို အစိုဓာတ်ဖြည့်ဖို့အတွက် conditioner ကိုလည်း မေ့မထားသင့်ပါဘူး။ ဆံပင်ကို ကြက်သီးနွေးရေနွေးနဲ့လောင်းချပြီးတော့ conditioner ကို လိမ်းပေးပါ။ ခဏကြာပြီးရင်တော့ ရေဆေးချလိုက်လို့ရပါပြီ။

အဲဒီနောက် ခေါင်းလျှော်ရည်နဲ့ လျှော်စရာမလိုပါဘူး။ Conditioner နဲ့ ဆံပင်ကို ပေါင်းပေးရင် ဆံပင်တွေက အားပြည့်လာပြီး ဆံသားကျိုးတာ၊ ဆံပင်ကျွတ်တာလည်း နည်းပါးသွားပါတယ်။

၆။ ဆံပင်တွေ ပိုထူလာအောင် ဇင့်ကို အသုံးပြုပါ။

ဇင့်က ဆံပင်ကျွတ်ခြင်းနဲ့ အခြားသောပြဿာနာတွေကို ဖြေရှင်းပေးပါတယ်။ အဲဒါကြောင့် နေ့စဉ် ဇင့် ၈ မီလီဂရမ် ကနေ ၁၁ မီလီဂရမ်အထိ သောက်သုံးပေးလို့ရပါတယ်။ ဒါပေမယ့် ၂ ပတ်ကနေ ၃ ပတ်လောက်အထိပဲ သောက်သင့်ပါတယ်။

၇။ ကော်ဖီ

ကာဖိန်းက ဆံပင်အရှည်မြန်ဖို့ အကျိုးပြုပါတယ်။ ဆံပင်ခဏခဏကျွတ်သူတွေအတွက် ကော်ဖီ mask က အရမ်းကို အသုံးတည့်ပါတယ်။ ကော်ဖီနဲ့ သံလွင်ဆီကို ရောပြီး ဆံပင်မှာ လိမ်းပေးပါ။