ကိုယ်အလေးချိန်ကို အမြန်ဆုံးလျှော့ချနိုင်ဖို့ စနစ်တကျ ပြေးနည်း

ပြေးတာက လမ်းလျှောက်တာက အဆီတွေကို ပိုမိုလောင်ကျွမ်းစေပါတယ်။ နေ့စဉ်ကိုယ်လက်လှုပ်ရှားမှုတွေ ပြုလုပ်တဲ့အခါ ခန္ဓာကိုယ်ထဲက ဇီဝကမ္မဖြစ်စဉ်တွေ တိုးတက်လာပြီး အရေပြားပြဿနာတွေလည်း လျော့နည်းသွားပါတယ်။

Cellulite တွေလည်း လျော့ပါးသွားပြီး ခန္ဓာကိုယ်လည်း ကျစ်ကျစ်လျစ်လျစ်ဖြစ်လာပါတယ်။ အဲဒါကြောင့် ကိုယ်အလေးချိန်ကို အမြန်ဆုံးလျှော့ချနိုင်ဖို့ ဘယ်လိုစနစ်တကျ ပြေးမလဲဆိုတာကို love media ကနေ ပြောပြပေးပါမယ်နော်။

- ပြေးဖို့အတွက် သက်တောင့်သက်သာရှိမယ့်ဖိနပ်နဲ့ အဝတ်အစားကို ရွေးချယ်ပါ။ လှုပ်ရှားရခက်တဲ့အဝတ်အစားတွေကို မရွေးချယ်သင့်ပါဘူး။

- ပြေးဖို့အတွက် အဆင်ပြေမယ့်နေရာကိုလည်း ရွေးချယ်ပါ။ နိုင်လွန်ကတ္တရာလမ်းမှာ ပြေးရင် ပိုကောင်းပါတယ်။

- ဖြည်းဖြည်းမှန်မှန်ပဲ ပြေးသင့်ပါတယ်။

ပြေးဖို့အတွက် အချိန်တစ်နာရီယူပါ။

မပြေးခင်မှာ သွေးပူသွားစေဖို့ သွေးပူလေ့ကျင့်ခန်းကို ၅ မိနစ်ကနေ ၁၀ မိနစ်ခန့် ပြုလုပ်ပါ။ အဲဒီနောက် မြန်မြန်လမ်းလျှောက်ရင်းကနေ အရှိန်ကို မြင့်လိုက်ပါ။ ပြေးပြေးချင်း ပထမမိနစ် ၂၀ ကို မနားဘဲ ပြေးပါ။ အဲဒီအခါ ခန္ဓာကိုယ်ထဲက အဆီတွေက စတင်လောင်ကျွမ်းပါတယ်။ အဲဒီနောက် ခဏလောက် နားပြီး ထပ်ပြေးပါ။ နောက်ဆုံး ၅ မိနစ်ကိုတော့ အကြောလျှော့ပါ။

ကယ်လိုရီတွေများများလောင်ကျွမ်းဖို့ များများလှုပ်ရှားပေးဖို့ လိုပါတယ်။ ဒါပေမယ့် ကိုယ့်ကိုယ်ကိုယ် အရမ်းမမောပန်းနေဖို့ကတော့ အရေးကြီးပါတယ်။

ခန္ဓာကိုယ်အနားယူဖို့ အချိန်ပေးပါ။

ကိုယ်လက်လှုပ်ရှားမှု လုပ်ပြီးတိုင်းမှာ ခန္ဓာကိုယ်က အနားယူဖို့လိုအပ်ပါတယ်။ တစ်ပတ်ကို တစ်ရက်၊ သို့မဟုတ် နှစ်ရက်ခန့် ပြေးတာကို နားသင့်ပါတယ်။ အဲဒီအခါ ခန္ဓာကိုယ်မှာ အားအင်တွေ ပိုရလာပြီး ကြွက်သားတွေအနားယူဖို့လည်း အချိန်ရလာပါတယ်။

နှလုံးလည်း အရမ်းမမောတော့ပါဘူး။ ခန္ဓာကိုယ်ကို အနားမပေးဘဲ နေ့တိုင်းပြေးနေရင် စိတ်ဖိစီးမှုဖြစ်စေတဲ့ဟော်မုန်းတွေ ထွက်လာပါတယ်။ အဲဒီအခါ ခန္ဓာကိုယ်ရဲ့ ကိုယ်ခံအားစနစ်လည်း အားနည်းလာပါတယ်။

ကယ်လိုရီကို တွက်ချက်စားသုံးပါ။

အထက်ပါအစားအစာနှစ်ခုက ကယ်လိုရီပမာဏချင်း အတူတူပါပဲ။ ဒါပေမယ့် ပါဝင်တဲ့ပစ္စည်းတွေ ကွဲပြားသလို အာဟာရတန်ဖိုးချင်းလည်း မတူပါဘူး။ ကိုယ်အလေးချိန်ကျဖို့ ပြေးတာနဲ့အတူ အစားအသောက်ကိုလည်း ပြောင်းလဲလိုက်ပါ။

ခန္ဓာကိုယ်အတွက် သတ္တုဓာတ်တွေ၊ ဗီတာမင်တွေ၊ ပရိုတိန်းတွေ များများစားပေးပြီး အချိုတွေ၊ ဆီကြော်စာတွေ၊ ကစီဓာတ်များတဲ့အစားအစာတွေကို ဖြတ်တောက်လိုက်ပါ။

ကိုယ်အလေးချိန်ကျဖို့ဆိုရင် ညနေပိုင်းပြေးတာ ပိုကောင်းပါတယ်။

မနက်ခင်းပိုင်းပြေးတာက ကိုယ်အလေးချိန် အရမ်းများသူတွေအတွက် ခန္ဓာကိုယ်မှာ ဖိအားတွေ ပိုဖြစ်စေပါတယ်။ ကိုယ်အလေးချိန်မြန်မြန်ကျဖို့ ညနေပိုင်းမှာ ပြေးပါ။

မပြေးခင်မှာ ဆရာဝန်နဲ့ပြသပါ။

လူတိုင်းမှာ ကျန်းမာရေးအခြေအနေချင်းက မတူနိုင်ပါဘူး။ သင့်ကျန်းမာရေးပေါ်မူတည်ပြီး ပြင်းပြင်းထန်ထန် လုပ်လို့မရတဲ့ လေ့ကျင့်ခန်းတွေ ရှိနေနိုင်ပါတယ်။ အဲဒါကြောင့် ပြေးတော့မယ်ဆိုရင်၊ လေ့ကျင့်ခန်းလုပ်တော့မယ်ဆိုရင် ဆရာဝန်နဲ့ အရင်ပြသသင့်ပါတယ်။

Zombie (lovemedia)