အဝတ်အစားတွေမှာ မင်တွေ စွန်းနေရင် လွယ်လွယ်ကူကူဖယ်ရှားနိုင်မယ့် နည်းလမ်း (၇) ခု

အင်္ကျီမှာ မင်ရည်တွေ စွန်းနေတဲ့အခါ ဖယ်ရှားဖို့ ခက်ခဲပါတယ်။ ပုံမှန်လျှော်နေကျအတိုင်း လျှော်လိုက်ရင် မပြောင်ဘဲ ပိုဆိုးသွားတတ်ပါတယ်။ မင်စွန်းနေတဲ့အဝတ်အစားတွေကို ရေနွေးနဲ့ လျှော်လိုက်ရင် မင်တွေက ချည်သားထဲ ပိုစိမ့်ဝင်သွားပြီး ပိုပြီးတော့ လျှော်ရခက်သွားပါတယ်။

အဲဒါကြောင့် အဝတ်အစားတွေမှာ မင်တွေ စွန်းနေရင် လွယ်လွယ်ကူကူဖယ်ရှားနိုင်မယ့် နည်းလမ်းလေးတွေကို love media ကနေ ဖော်ပြပေးလိုက်ပါတယ်နော်။

နည်းလမ်း ၁

လိုအပ်သောပစ္စည်းများ

- အမိုးနီးယား လက်ဖက်ရည်ဇွန်းတစ်ဇွန်း

- မုန့်ဖုတ်ဆိုဒါလက်ဖက်ရည်ဇွန်းတစ်ဇွန်း

- ရေလက်ဖက်ရည်ဇွန်းတစ်ဇွန်း

ပါဝင်ပစ္စည်းတွေကို နှံ့သွားတဲ့အထိ ရောမွှေလိုက်ပါ။ ရလာတဲ့အနှစ်ကို မင်စွန်းတဲ့နေရာမှာ သုတ်လိုက်ပြီး တစ်နာရီကြာထားပါ။ အဲဒီနောက် ပုံမှန်လျှော်နေကျအတိုင်း လျှောက်လိုက်ရုံပါပဲ။

နည်းလမ်း ၂

လိုအပ်သောပစ္စည်းများ

- အဝတ်လျှော်ဆပ်ပြာခဲ

- ဟိုက်ဒရိုဂျင်ပါအောက်ဆိုက်လက်ဖက်ရည်ဇွန်းနှစ်ဇွန်း

- သံပုရာသီးတစ်ခြမ်း

အဝတ်လျှော်ဆပ်ပြာခဲကို ခြစ်ချလိုက်ပြီး ဟိုက်ဂရိုဂျင်ပါအောက်ဆိုက်၊ သံပုရာရည်တို့နဲ့ ရောမွှေလိုက်ပါ။ အင်္ကျီတွေ စွန်းနေတဲ့နေရာမှာ မွှေထားတာတွေကို သုတ်လိုက်ပြီး မိနစ် ၄၀ ခန့်ထားပါ။ အဲဒီနောက် လျှော်နေကျဆပ်ပြာနဲ့ ပြန်လျှော်လိုက်လို့ရပါပြီ။

နည်းလမ်း ၃

လိုအပ်သောပစ္စည်းများ

- ဟိုက်ဒရိုဂျင်ပါအောက်ဆိုက်လက်ဖက်ရည်ဇွန်း နှစ်ဇွန်း

- အမိုးနီးယားလက်ဖက်ရည်ဇွန်း တစ်ဇွန်း

- ချည်ပိတ်စလေး

ဟိုက်ဒရိုဂျင်ပါအောက်ဆိုက်နဲ့ အမိုးနီးယားကို ပန်းကန်လုံးတစ်လုံးထဲမှာ ရောမွှေပါ။ အဲဒီနောက် ချည်ပိတ်စလေးကို အသုံးပြုပြီး မင်စွန်းနေတဲ့နေရာမှာ သုတ်ပေးပါ။ ၁၅ မိနစ်ခန့် ထားပြီးနောက်မှာတော့ လျှော်လိုက်လို့ရပါပြီ။

နည်းလမ်း ၄

လိုအပ်သောပစ္စည်းများ

- အရက်ပြန်

- ချည်ပိတ်စလေး

ချည်ပိတ်စလေးမှာ အရက်ပြန်ကို တို့ပြီး အင်္ကျီရဲ့မင်စွန်းတဲ့နေရာမှာ သုတ်ပေးပါ။ မင်စွန်းတွေ ပျောက်သွားတဲ့အထိ သုတ်ပေးလို့ရပါတယ်။ ချည်ပိတ်စလေး ညစ်ပတ်လာရင် နောက်ထပ်ပိတ်စတစ်ခုနဲ့ ထပ်ပြီး သုတ်ပေးပါ။

နည်းလမ်း ၅

လိုအပ်သောပစ္စည်းများ

- ဒိန်ရည် သို့မဟုတ် နွားနို့

ဒိန်ရည် သို့မဟုတ် နွားနို့ကို မင်စွန်းတဲ့အဝတ်အစားပေါ်မှာ ပွတ်တိုက်ပြီး တစ်နာရီကြာ ထားပေးပါ။ နို့ထွက်ပစ္စည်းတွေမှာ ပါဝင်တဲ့ဘက်တီးရီးယားတွေက မင်တွေကို ပြောင်စင်စေတာကြောင့် လျှော်ရလွယ်သွားပါတယ်။

မင်က လောလောလတ်လတ်စွန်းထားတယ်ဆိုရင် နွားနို့ကို အသုံးပြုလို့ရပါတယ်။ နွားနို့ထဲမှာ မင်စွန်းတဲ့အဝတ်အစားကို ၂ နာရီခန့် စိမ်ထားပြီးမှ လျှော်ပါ။

နည်းလမ်း ၆

သွားတိုက်ဆေးကို မင်စွန်းတဲ့နေရာမှာ သေသေချာချာ ပွတ်တိုက်ပေးပါ။ ပွတ်တိုက်ပေးပြီးနောက် ၁၅ မိနစ်ကြာထားပါ။ လျှော်လိုက်တဲ့အခါ မင်စွန်းတွေက ပြောင်စင်သွားပါတယ်။

နည်းလမ်း ၇

လိုအပ်သောပစ္စည်းများ

- ပန်းကန်ဆေးဆပ်ပြာရည်

- ရေ

မင်စွန်းနေတဲ့အဝတ်အစားပေါ်ကို ပန်းကန်ဆေးဆပ်ပြာရည် များများလောင်းချပြီး မိနစ် ၃၀ ခန့် ရေနွေးထဲမှာ စိမ်ထားပါ။ ပြီးနောက်မှာတော့ ပုံမှန်လျှော်နေကျအတိုင်း လျှော်လိုက်လို့ရပါပြီ။ ဒီနည်းကတော့ နည်းလမ်းတွေ အားလုံးထဲမှာ ပြုလုပ်ရလွယ်ကူပါတယ်။

Zombie (lovemedia)