လေ့ကျင့်ခန်းမလုပ်ခင်နဲ့ လုပ်ပြီးအချိန်မှာ စားသင့်တဲ့အစားအစာများ

Gym သွားပေမယ့် လိုချင်တဲ့ခန္ဓာကိုယ်အနေအထားရောက်ဖို့အတွက် အစားအသောက်ကလည်း အရေးကြီးပါတယ်။ အာဟာရမညီမျှတဲ့အခါ အားကစားတွေ အပြင်းအထန်လုပ်လည်း ခန္ဓာကိုယ်မှာ ကြွက်သားတွေ ဖြစ်ပေါ်လာမှာ မဟုတ်ပါဘူး။ အဲဒါကြောင့် လေ့ကျင့်ခန်း မလုပ်ခင်နဲ့ လုပ်ပြီးအချိန်တွေမှာ စားသင့်တဲ့အစားအစာတွေအကြောင်းကို love media ကနေ ဖော်ပြပေးလိုက်ပါတယ်နော်။

စားသောက်မှုပုံစံက ပြုလုပ်တဲ့လေ့ကျင့်ခန်း၊ သင်လိုချင်တဲ့ခန္ဓာကိုယ် အချိုးအစားပေါ်မှာ မူတည်ပါသေးတယ်။ ဒါပေမယ့် ဘယ်လိုလေ့ကျင့်ခန်း ပြုလုပ်တာပဲဖြစ်ဖြစ် ဒီလိုအချက်တွေကိုတော့ မလုပ်သင့်ပါဘူး။

- ဗိုက်ထဲမှာအစာမရှိဘဲ လေ့ကျင့်ခန်းမပြုလုပ်သင့်ပါဘူး။ လေ့ကျင့်ခန်းမလုပ်ခင်မှာ ဘာမှမစားထားရင် မူးတာ၊ အားနည်းတာ၊ အိပ်ချင်တာမျိုးတွေ ဖြစ်တတ်ပါတယ်။ လေ့ကျင့်ခန်းမလုပ်ခင် အစားအနည်းငယ်စားထားရင် ကြွက်သားဆုံးရှုံးမှုတွေလည်း လျော့သွားမှာပါ။

- သင်က ကိုယ်အလေးချိန်ကျချင်သူဆိုရင် အစားကို ပုံမှန်စားတာထက် လျှော့စားတာ၊ ကစီဓာတ်များတာကို လျှော့စားတာ၊ ပရိုတိန်းပိုစားတာမျိုးကို လုပ်သင့်ပါတယ်။ ခန္ဓာကိုယ်မှာ ကြွက်သားတွေ တက်ချင်တယ်ဆိုရင်တော့ ကာဗိုဟိုက်ဒရိတ်နဲ့ ပရိုတိန်းကို ပိုစားသင့်ပါတယ်။

- လေ့ကျင့်ခန်းလုပ်ချိန်နဲ့ ကပ်ပြီးတော့ အစာစားတာက မကောင်းပါဘူး။ လေ့ကျင့်ခန်းမလုပ်ခင် တစ်နာရီအလို သို့မဟုတ် ၃ နာရီအလိုလောက်ကတည်းက အစားအစာကို စားထားသင့်ပါတယ်။

- လေ့ကျင့်ခန်းလုပ်သူတွေအတွက် ရေများများသောက်ပေးဖို့ လိုအပ်ပါတယ်။ လေ့ကျင့်ခန်း မလုပ်ခင်၊ လုပ်နေစဉ်၊ လုပ်ပြီးအချိန်တွေမှာ ရေများများသောက်ပေးပါ။ အဲဒီအခါ အားအင်တွေ တိုးလာပြီး ကြွက်သားနာကျင်တာကိုလည်း ကာကွယ်ပြီး ဖြစ်စေပါတယ်။

လေ့ကျင့်ခန်းမလုပ်ခင်မှာ စားသင့်တဲ့အစားအစာများ

လေ့ကျင့်ခန်းမလုပ်ခင်မှာ အစားစားမယ်ဆိုရင် ကာဗိုဟိုက်ဒရိတ်၊ ပရိုတန်း၊ အဆီတို့ ပါဝင်သင့်ပါတယ်။ ကာဗိုဟိုက်ဒရိတ်ကို လောင်စာအဖြစ် စားသုံးတာဖြစ်ပြီး ပရိုတိန်းကိုတော့ ကြွက်သားပြန်လည်ထိန်းသိမ်းဖို့ စားတာပါ။

- ငှက်ပျောသီးမှာ သဘာဝသကြားဓာတ်၊ ကာဗိုဟိုက်ဒရိတ်နဲ့ ပိုတက်ဆီယမ်တို့ ပါရှိပါတယ်။

- သစ်သီးခြောက်တွေနဲ့ အစေ့အဆံတွေကို ရောပြီး ကြိတ်ထားတဲ့အစားအစာတွေကိုလည်း စားလို့ရပါတယ်။ သူတို့မှာ အဆီနဲ့ ပရိုတိန်းဓာတ်တွေ ပါဝင်ပါတယ်။

- ပန်းသီးကို မြေပဲထောပတ်သုတ်ထားတဲ့ မုန့်ကိုလည်း စားလို့ရပါတယ်။ ပရိုတိန်းဓာတ်၊ အမျှင်ဓာတ်နဲ့ အင်တီအောက်ဆီးဒင့်တွေ ပါရှိတာကြောင့် လေ့ကျင့်ခန်းမလုပ်ခင်အချိန်အတွက် သင့်တော်ပါတယ်။

- အုတ်ဂျုံမှုန့်မှာ အမျှင်ဓာတ်နဲ့ ကာဗိုဟိုက်ဒရိတ်တွေ ပါဝင်ပါတယ်။ အုတ်ဂျုံမှုန့်ထဲကို နွားနို့အနည်းငယ်ရောထည့်ပြီး စားလို့လည်း ရပါတယ်။ အုတ်ဂျုံကနေ ပရိုတိန်းဓာတ်နဲ့ ကယ်လ်ဆီယမ်‌ဓာတ်တွေ ရရှိစေပါတယ်။

- ချိစ်ပြားမှာ ပရိုတိန်း၊ ကယ်လ်ဆီယမ်၊ ဖော့စဖောရပ်နဲ့ ဆယ်လီနီယမ်ပါတာကြောင့် လေ့ကျင့်ခန်းမလုပ်ခင်မှာ စားဖို့သင့်တော်တဲ့အစားအစာပါ။

- သစ်သီးဖျော်ရည်တွေကလည်း လေ့ကျင့်ခန်းမလုပ်ခင် စားလို့ရတဲ့အရာပါ။ ရေဓာတ်ခန်းခြောက်တာကို ကာကွယ်ပေးပါတယ်။

- ကြက်ဥကြော်၊ အသီးအရွက်နဲ့ ထောပတ်သီးတွေမှာ ပရိုတိန်းဓာတ်တွေပါတာကြောင့် ပေါ့ပေါ့ပါးပါးနဲ့ အာဟာရဖြစ်စေတဲ့အစားအစာပါ။

- လေ့ကျင့်ခန်းမလုပ်ခင်မှာ တူနာငါးကိုလည်း စားလို့ရပါတယ်။

- ပေါင်မုန့်၊ ကန်စွန်းဥ၊ ဆန်လုံးညိုတို့မှာ ကာဗိုဟိုက်ဒရိတ်ပါတာကြောင့် ရွေးချယ်သင့်တဲ့အစားအစာတွေပါ။

- ချီယာစေ့နဲ့လုပ်ထားတဲ့ ပူတင်းမှာ ပရိုတိန်း၊ အိုမီဂါ ၃၊ ကယ်လ်ဆီယမ်၊ ဖော့စဖောရပ်၊ မန်းဂနိစ်တို့ပါတာကြောင့် ဒီလိုအဆာပြေမုန့်ကိုလည်း စားလို့ရပါတယ်။

လေ့ကျင့်ခန်းလုပ်ပြီးချိန်မှာ စားသင့်တဲ့အစားအစာများ

လေ့ကျင့်ခန်းလုပ်ပြီး မိနစ် ၃၀ ကနေ မိနစ် ၆၀ ခန့်မှာ အစားအစာကို စားပေးသင့်ပါတယ်။ ဒီလိုစားပေးတာက အားအင်တွေပြန်ဖြည့်တာဖြစ်ပြီး ကြွက်သားဆုံးရှုံးတာကို ကာကွယ်ပေးပါတယ်။

- ကြက်သား၊ ထမင်း၊ ဟင်းသီးဟင်းရွက်တို့က လေ့ကျင့်ခန်းလုပ်ပြီးချိန်မှာ စားသင့်တဲ့အစားအစာပါ။

- နွားနို့သောက်လို့လည်း ရပါတယ်။

- ကြက်ဆင်သားဟင်းမှာလည်း အမျှင်ဓာတ်နဲ့ ပရိုတိန်းဓာတ်ပါတာကြောင့် စားလို့ရပါတယ်။

- ပေါင်မုန့်မီးကင်နဲ့ ကြက်ဥကလည်း ပြန်လည် အားဖြည့်ပေးတဲ့အစားအစာပါ။

- ကရက်ကာနဲ့ ထောပတ်သုတ်က ပရိုတိန်းနဲ့ အမျှင်ဓာတ်ပါတာကြောင့် အရသာလည်းရှိ အာဟာရလည်း ဖြစ်စေပါတယ်။

- ပရိုတိန်းကော့တေးက ပြုလုပ်ရတာလွယ်ကူပြီး ခန္ဓာကိုယ်ထဲကို အသားဓာတ်များများ ရစေပါတယ်။

- ဒိန်ချဉ်နဲ့ အသီးတွေကလည်း လေ့ကျင့်ခန်းလုပ်ပြီးတဲ့အချိန်မှာ စားဖို့သင့်တော်တဲ့အစားအစာပါ။

Zombie (lovemedia)

Post a Comment

0 Comments