ဆိုးသွမ်းတဲ့ကလေးတွေအဖြစ် ပြောင်းလဲသွားစေတဲ့ မိဘအုပ်ထိန်းမှုပုံစံ (၇) ခု

မိဘတိုင်းက ကလေးတွေအတွက် အကောင်းဆုံးကို ဖြစ်စေချင်ကြပေမယ့်လည်း တစ်ခါတရံမှာ မိဘအုပ်ထိန်းမှုပုံစံနှင့် ရည်ရွယ်ချက်တွေက မကောင်းတဲ့လက္ခဏာ ရလဒ်အချို့ကို ဖြစ်ပေါ်စေနိုင်ပါတယ်။ ဒါတွေဟာ ကလေးရဲ့ ဖွံ့ဖြိုးတိုးတက်မှုနှင့် အပြုအမူအပေါ် သက်ရောက်မှုရှိနိုင်ပြီး သူတို့ကို လမ်းလွဲသွားစေနိုင်ပါတယ်။

၁။ အကျင့်ဆိုးကို မဖယ်ရှားပေးခြင်း

ကလေးတွေကို အရမ်းအလိုလိုက်တဲ့အခါ သူတို့က စိတ်ထင်ရာတွေ လျှောက်လုပ်တတ်လာကြပါတယ်။ အချိန်တိုင်း သောင်းကျန်းနေနိုင်ပြီး သူတို့လိုချင်တာကို မဖြည့်ဆည်းပေးတဲ့အခါ သင့်အပေါ်ကို အမြင်မကြည်တွေ ဖြစ်လာနိုင်ပါတယ်။

အလိုမလိုက်ပဲ သူတို့ကိုချစ်ပေးရင်တော့ သူတို့ဘာသာသူတို့ ဖြေရှင်းချက်ရှာတတ်လာပြီး ကိုယ့်ကိုယ်ကိုယ် အားကိုးကြံဆတတ်လာစေပါတယ်။

၂။ ကလေးတွေကို နောက်ဆက်တွဲဆိုးကျိုးတွေကနေ ကာကွယ်ပေးခြင်း

ကလေးတွေကို နေရာတကာမှာ လိုက်ထိန်းချုပ်နေတာက အမှီအခိုကင်းမှု၊ သတ္တိရှိရှိနှင့် သူတို့ကိုယ်တိုင် ပြဿနာဖြေရှင်းခြင်းကို ထိခိုက်စေပါတယ်။ ရိုင်းစိုင်းတဲ့ အပြုအမူတွေကိုလည်း ဖြစ်စေနိုင်ပါတယ်။

လုပ်သင့်လုပ်ထိုက်တာတွေကို ဉာဏ်ပညာနဲ့ အတွေ့အကြုံတွေရဖို့အတွက် သူတို့ကို ကိုယ်တိုင်လုပ်ပိုင်ခွင့်ပေးလိုက်တာက ပိုကောင်းပါတယ်။

၃။ လက်ဆောင်တွေကို မလိုအပ်ပဲပေးခြင်း

အလုပ်များတဲ့မိဘတွေက သားသမီးတွေကို ရုပ်ဝတ္ထုပစ္စည်း လက်ဆောင်ပေးခြင်းဖြင့် သူတို့ရဲ့ လိုအပ်ချက်ကို ပြန်ပြင်တတ်ကြပါတယ်။ ဒီလိုပေးခြင်းဟာ နောက်ဆုံးမှာ ကလေးကို ရုပ်ဝတ္ထုဆန်လာစေပါတယ်။

မိဘတော်တော်များများက သားသမီးတွေကို ပိုက်ဆံဘယ်လိုစုရမယ်ဆိုတာကို မသင်ပေးဘဲ ပိုက်ဆံပေးကြတယ်။ ဒါက စိတ်သဘောထားနဲ့ ကလေးတွေကို ပိုက်ဆံကိုတောင်းရင် ရတယ်ဆိုတာကို ဖြစ်စေပါတယ်။

၄။ အမှားလုပ်မိတဲ့အခါ တောင်းပန်ဖို့ မသင်ကြားပေးခြင်း

သင့်ကလေးက သင်ကြိုက်တဲ့တစ်စုံတစ်ခုကို ဖျက်စီးမိရင် တောင်းပန်ခိုင်းပါ။ သင့်ကလေးပေါ်ကို အမှားတစ်ခုခုဖြစ်သွားရင်လည်း တောင်းပန်ပါ။ သင့်ကလေးက အရုပ်ကို အရမ်းလိုချင်နေပြီး ဈေးကြီးနေတယ်ဆိုရင် မဝယ်ပေးဘူးလို့ မပြောပဲနဲ့ လိမ်မာရင်၊ စာကြိုးစားရင် ဝယ်ပေးမယ်လို့ပြောပါ။ ဒါဟာ ကလေးကို ဆုံးဖြတ်ချက်အပေါ် ထိန်းချုပ်မှုအချို့ကို ကူညီပေးနိုင်ပါတယ်။

၅။ မလိုအပ်ပဲ ခြိမ်းခြောက်မှုတွေလုပ်ခြင်း

ကလေးက ထမင်းစားစားပွဲပေါ်တွေ၊ အိမ်နံရံတွေပေါ်မှာ ပုံတွေလျှောက်ဆွဲနေရင် သူတို့ကို လွှင့်ပစ်မယ်တွေ၊ သူများပေးပစ်မယ်တွေမပြောသင့်ပါဘူး။ အဲ့အစား စာအုပ်မှာပဲဖြစ်ဖြစ် ဆွဲခိုင်းတာမျိုးကို လုပ်သင့်ပါတယ်။

တကယ်လို့ သင်သာ ကြမ်းကြမ်းတမ်းတမ်းပြောရင် ကလေးလည်း ကြမ်းတမ်းလာနိုင်ပြီး အကုန်လုံးကို ဖျက်တတ်လာပါလိမ့်မယ်။ ကလေးကို ကောင်းကောင်းမွန်မွန်ပြောပြီး ဘယ်နည်းက ဘယ်လိုမလုပ်သင့်ဘူးလဲ ဆိုတာကို ရှင်းပြသင့်ပါတယ်။

၆။ အိမ်စည်းကမ်းအကြောင်း မဆွေးနွေးခြင်း

အိမ်စည်းကမ်းနှင့် ပတ်သက်လာရင် အငြင်းအခုံ လုံးဝမရှိသင့်ပါဘူး။ ရလဒ်တွေကို ကြိုတင်သတ်မှတ်ထားသင့်ပြီး တူညီတဲ့အရာအပေါ် အငြင်းအခုံလုပ်နေခြင်းက အဓိပ္ပာယ်မရှိပါဘူး။ ကလေးတွေက သူတို့လိုချင်တာကို မရတဲ့အခါ စိတ်ဆိုးသွားမှာ သေချာပါတယ်။

ဒါပေမယ့် အပြန်ပြန်အလှန်လှန် ရန်ဖြစ်တာမျိုးတော့ မလုပ်သင့်ပါဘူး။ သူတို့အတွက် စိတ်ဓာတ်တွေ မွေးမြူသင့်ပါတယ်။ အိမ်စည်းကမ်းဆိုတာ မိသားစုလိုက် တူတူလုပ်ဆောင်ရတာပါ။

၇။ သူတို့ကို ရပိုင်ခွင့်တွေ မပေးခြင်း

တချို့မိဘတွေက ကလေးကို စောင့်ရှောက်တဲ့အခါ အရိပ်တကြည့်ကြည့်နဲ့ နေရာတိုင်းမှာ လိုက်ပြီးပြုပြင်ပေးတတ်ကြပါတယ်။ ဒီမိဘအုပ်ထိန်းမှုပုံစံဟာ ယုံကြည်စိတ်ချမှုမဟုတ်ဘဲ ရသင့်ရထိုက်တဲ့ခံစားချက်တွေကို လိုက်ထိန်းချုပ်နေတာပါ။

မိဘတွေဟာ ကလေးတွေကို အကောင်းဆုံးဖြစ်စေလိုတဲ့ ရည်ရွယ်ချက်နဲ့ လွန်လွန်ကဲကဲ အုပ်ချုပ်တဲ့အခါ ချီးမွမ်းခြင်း၊ ချီးမြှောက်ခြင်းတွေကို မေ့ပြီး သူတို့ရဲ့လမ်းကြောင်းမှာရှိတဲ့ ဘယ်အတားအဆီးကိုမဆို ဖယ်ရှားပစ်တတ်ပါတယ်။

ဒီလိုလုပ်ခြင်းက ကလေးတွေကို သူတို့ဘာသာသူတို့ ကိုင်တွယ်ဖို့၊ သူတို့ရဲ့အမှားတွေကနေ အမှန်တွေကိုသင်ယူပြီး ဘဝရှင်သန်ရေးနည်းလမ်းတွေကိုပါ မသိဖြစ်သွားတတ်ပါတယ်။

Zombie (lovemedia)

Post a Comment

0 Comments