နံရံနဲ့ မျက်နှာကျက်တွေပေါ်မှာ စွဲကပ်နေတတ်တဲ့ အမည်းရောင်မှိုတွေကို ဖယ်ရှားနည်း

စိုထိုင်းဆများတဲ့ အခန်းတွေထဲမှာဆိုရင် နံရံတွေမှာ မှိုတွေ ဖြစ်ပေါ်လာပါတယ်။ အထူးသဖြင့် ရေချိုးခန်း၊ မီးဖိုချောင်၊ မြေအောက်ခန်းလို နေရာတွေမှာ စိုထိုင်းဆများတာကြောင့် နံရံတွေမှာ မှိုတွေ ပေါ်ပေါက်လာပါတယ်။

မှိုတွေက လျင်လျင်မြန်မြန် ပျံ့နှံ့လွယ်တာကြောင့် လူသားတွေရဲ့ကျန်းမာရေးကိုလည်း ထိခိုက်စေပါတယ်။ အဲဒါကြောင့် အခန်းနံရံတွေပေါ်မှာ ရှိနေတတ်တဲ့ မှိုတွေကို ဖယ်ရှားနိုင်မယ့် နည်းလမ်းလေးတွေကို love media ကနေ ဖော်ပြပေးလိုက်ပါတယ်နော်။

ပြင်ဆင်ပုံ

- နံရံက မှိုတွေကို ဖယ်ရှားသန့်ရှင်းတော့မယ်ဆိုရင် အရင်ဆုံး ရာဘာလက်အိတ်ကို ဝတ်ပါ။ မှိုမျိုးမှုန်တွေ အသက်ရှူလမ်းကြောင်းထဲ မဝင်စေဖို့ mask တပ်ပါ။

- လေဝင်လေထွက်ကောင်းဖို့အတွက် ပြူတင်းပေါက်တွေကို ဖွင့်ထားပါ။

- သန့်ရှင်းရေးလုပ်ပြီးတဲ့အခါ အဝတ်တွေကို ရေနွေးနဲ့စိမ်ထားပြီးလျှော်ပါ။

နံရံနဲ့ မျက်နှာကျက်က မှိုတွေကို ဖယ်ရှားနည်း

- ဇလုံတစ်လုံးထဲမှာ ကလိုရင်းအရောင်ချွတ်ဆေး ၁ ဆ၊ ရေ ၄ ဆရောပါ။

- ရောထားတဲ့ဇလုံတစ်လုံးထဲကို အဝတ်ဟောင်းတစ်ထည်နှစ်လိုက်ပြီး အဲဒီအဝတ်ဟောင်းနဲ့ နံရံနဲ့ မျက်နှာကျက်တွေကို သန့်ရှင်းရေးလုပ်ပါ။

- နံရံနဲ့ မျက်နှာကျက်တွေမှာ မှိုတွေ မရှိတော့တဲ့အခါ အဝတ်ခြောက်တစ်ခုနဲ့ လိုက်သုတ်ပါ။ အဝတ်စိုရော အဝတ်ခြောက်ကိုပါ အိတ်တစ်လုံးထဲထည့်ပြီးနောက် လွှင့်ပစ်လိုက်ပါ။ မှိုတွေကို သန့်ရှင်းရေးလုပ်ဖို့အတွက် brush ကို အသုံးမပြုသင့်ပါဘူး။ Brush ကိုသုံးရင် မှိုတွေကို ပိုများလာအောင် လှုံ့ဆောက်ပေးသလိုပါပဲ။