ဗိုက်ချပ်ပြီး ကိုယ်ဟန်အနေအထားမှန်ကန်စေတဲ့အသက်ရှူလေ့ကျင့်ခန်း

ဒီလေ့ကျင့်ခန်းကတော့ ဗိုက်ကြွက်သားတွေကို ပျော့ပျောင်းစေပြီး၊ ဗိုက်သားချပ်ရပ်လာစေပြီး သင်ရဲ့ကိုယ်ဟန်အနေအထားကို တိုးတက်စေတဲ့ ထိရောက်တဲ့လေ့ကျင့်ခန်းတစ်ခု ဖြစ်ပါတယ်။

ဒီလေ့ကျင့်ခန်းမှာ ဘယ်ကြွက်သားတွေ ပါဝင်လဲ။

ပုံမှန်အတိုင်း လေ့ကျင့်ခန်းလုပ်တဲ့အခါ ပြင်ပဗိုက်သားကြွက်သားတွေကိုပဲ ထိရောက်ပါတယ်။ အစာအိမ်လေ့ကျင့်ခန်းကတော့ အလျားလိုက်ကြွက်သားတွေ၊ အတွင်းဘက်ခြမ်း ကြွက်သားတွေနှင့် နောက်ကျောကနက်ရှိုင်းတဲ့ ကြွက်သားတွေအပါအဝင် အတွင်းပိုင်းကြွက်သားတွေကို ထိရောက်စေပါတယ်။

အပြင်ဘက် rectus နှင့် ဝမ်းဗိုက်ရဲ့ oblique ကြွက်သားတွေအောက်မှာ တည်ရှိပါတယ်။ လေ့ကျင့်ခန်းက သင့်အတွင်းပိုင်းကြွက်သားတွေကို အချိန်အကြာကြီး တင်းမာနေစေတဲ့အခါမှာ အလုပ်လုပ်ပါတယ်။

နောက်ကျောနှင့် အတွင်းအင်္ဂါတွေကို ပံ့ပိုးပေးတဲ့အပြင် လေ့ကျင့်နေချိန်မှာလည်း အသက်ရှုရတာကြောင့် "stomach vacuum" လေ့ကျင့်ခန်းဟာ ကိုယ်ဟန်အနေအထားနှင့် ခန္ဓာကိုယ်တစ်ခုလုံးကို အကျိုးသက်ရောက်စေပါတယ်။

ဒီလေ့ကျင့်ခန်းကို ပုံမှန်လုပ်ပေးရင် ဝမ်းဗိုက်အတွင်းပိုင်း ကြွက်သားတွေကို သန်မာလာစေပြီး crunches နှင့်ပေါင်းစပ်တဲ့အခါမှာ ဗိုက်သားတွေကို ပိုချပ်စေပါတယ်။

လေ့ကျင့်ခန်းကိုဘယ်လိုလုပ်မလဲ

၁။ ပက်လက်အိပ်ပါ ဒါမှမဟုတ် မတ်တပ်ရပ်ပါ။

၂။ သင့်ခြေထောက်တွေကို ခိုင်ခံ့အောင်ထားပါ။ ခြေနှစ်ချောင်းကို ကပ်ထားပြီး လက်နှစ်ဖက်ကိုလည်း ဘေးချင်းကပ်ထားပါ။

၃။ သင့်အဆုတ်က လေအားလုံးကို ရှူထုတ်ပါ။

၄။ ဗိုက်သားကို တင်းတင်းကြပ်ကြပ် ညှစ်ထားပြီး ဗိုက်ကို ရင်ဘတ်အောက်မှာ ကပ်သွားတဲ့အထိလုပ်ပါ။

၅။ ဒီအနေအထားကို စက္ကန့် 20 ကနေ 60 အထိ ထိန်းထားပါ။

၆။ ပြီးရင် အစကနေ ပြန်လုပ်ပါ။

ဒီလေ့ကျင့်ခန်းကို ဘယ်နှစ်ကြိမ်လုပ်သင့်လဲ။

အကောင်းဆုံးရလဒ်တွေရရှိဖို့ တစ်ရက်ကို အနည်းဆုံး ၃ ကြိမ်ပြုလုပ်ပြီး ဖြည်းဖြည်းချင်း တိုးသွားပါ။

- ပထမပတ်အတွင်း စက္ကန့် ၂၀ အကြိမ်ကြိမ် ပြုလုပ်ပါ။

- ဒုတိယပတ်အတွင်း စက္ကန့် ၂၀ ကနေ ၄၀ ထပ်လုပ်ပါ။

- တတိယပတ်မှာ စက္ကန့် ၆၀ အကြိမ်ကြိမ် ပြုလုပ်ပါ။

တားမြစ်ချက်များ

ဒီလေ့ကျင့်ခန်းဟာ သွေးဖိအားကိုတိုးစေနိုင်ပါတယ်။

သင့်မှာ သွေးတိုး ဒါမှမဟုတ် ကိုယ်ဝန်ရှိနေရင် ဒီလေ့ကျင့်ခန်းကို ရပ်သင့်ပါတယ်။ သင့်မှာ contraindications တစ်စုံတစ်ရာမရှိစေဖို့အတွက် ဆရာဝန်နှင့် သေချာတိုင်ပင်ပါ။

ဒါ့အပြင် အစာအိမ်နဲ့ အူလမ်းကြောင်းမှာ မနှစ်မြို့ဖွယ်ခံစားချက်တွေ မဖြစ်စေဖို့အတွက် အစာစားပြီး အနည်းဆုံး တစ်နာရီခွဲအကြာမှာ ဒီလေ့ကျင့်ခန်းကို လုပ်သင့်ပါတယ်။

Zombie (lovemedia)

Post a Comment

0 Comments