အသက်ကြီးလာတဲ့အခါ မှတ်ဉာဏ်အားနည်းလာမှုကို ကာကွယ်ပေးတဲ့အစားအစာ (၁၁) မျိုး

အသက်အရွယ်ကြီးလာတဲ့အခါ မှတ်ဉာဏ်က တဖြည်းဖြည်း အားနည်းလာပါတယ်။ လေ့လာချက်တွေအရ အစားအသောက်ဟာ ဦးနှောက်မှတ်ဉာဏ်ကို အကျိုးသက်ရောက်မှုရှိစေပါတယ်။ ဘယ်လိုအစားအစာတွေက မှတ်ဉာဏ်တိုးတက်အောင် ပြုလုပ်ပေးနိုင်လဲဆိုတာ love media ကနေ ဖော်ပြပေးလိုက်ပါတယ်နော်။

၁။ အဆီများသော ငါးများ

ဦးနှောက်ကို အဆီ ၆၀ရာခိုင်နှုန်းနဲ့ ဖွဲ့စည်းထားတာပါ။ ဒါ့အပြင် ရာခိုင်နှုန်းရဲ့တစ်ဝက်မှာ အိုမီဂါ ၃ ပါဝင်ပါတယ်။ ဦးနှောက်ကျန်းမာရေးအတွက် ဆော်လမွန်ငါး၊ ထရောက်ငါး၊ ဟာရင်းငါးသလောက်၊ ဆာဒါးငါးတို့ကို တစ်ပတ် ၂ ကြိမ်ခန့် စားသုံးပေးသင့်ပါတယ်။

၂။ ကော်ဖီ

ကော်ဖီမှာ ကဖိန်းဓာတ်အပြင် အင်တီအောက်ဆီးဒင့်တွေ ပါတာကြောင့် ဦးနှောက်ကျန်းမာရေးကို တိုးတက်စေပါတယ်။ ကော်ဖီက အာရုံစိုက်နိုင်စွမ်းကို အားပေးပြီး အမြဲတမ်း တက်ကြွနေစေပါတယ်။

၃။ ဘလူးဘယ်ရီသီး

ဘယ်လူးဘယ်ရီသီးမှာပါတဲ့ anthocyanins ဒြပ်ပေါင်းက ဦးနှောက်မှတ်ဉာဏ်ကို အားကောင်းစေတဲ့ အစားအစားပါ။ ဘလူးဘယ်ရီသီးက စိတ်ဖိစီးမှုတွေကိုလည်း လျော့ပါးစေပါသေးတယ်။ မကြာခဏ မေ့တတ်သူတွေအတွက် ဘလူးဘယ်ရီသီးကို စားပေးသင့်ပါတယ်။

၄။ နနွင်းမှုန့်

နနွင်းမှုန့်က ဦးနှောက်ဆဲလ်တွေကို အများကြီးအကျိုးပြုပါတယ်။ မှတ်ဉာဏ်ကို တိုးတက်စေပြီး ဦးနှောက်ဆဲလ်အသစ်တွေ တိုးလာဖို့ ကူညီပေးပါတယ်။ နနွင်းမှုန့်ကို တစ်နေ့တာအတွက် ၅၀၀ မီလီဂရမ်ကနေ ၂၀၀၀ မီလီဂရမ်အထိ စားသုံးပေးနိုင်ပါတယ်။

၅။ ပန်းဂေါ်ဖီစိမ်း

ပန်းဂေါ်ဖီစိမ်းမှာတော့ ဗီတာမင်ကေ ပါဝင်ပါတယ်။ လေ့လာချက်တွေအရ ဗီတာမင်ကေက သက်ကြီးရွယ်အိုတွေ မကြာခဏမေ့တတ်တာကို နည်းပါးသွားစေပါတယ်။

၆။ ဖရုံစေ့

ဦးနှောက်ကျန်းမာရေးအတွက် ဖရုံစေ့ကို စားပေးသင့်ါပတယ်။ ဖရုံစေ့မှာ ဇင့်၊ မဂ္ဂနီဆီယမ်၊ ကော့ပါးနဲ့ သံဓာတ်ပါဝင်ပါတယ်။ ဖရုံဆေ့ကို တစ်နေ့တာအတွက် ၃၀ဂရမ်ခန့် စားပေးနိုင်ပါတယ်။

၇။ ချောကလက်

ချောကလက်က မှတ်ဉာဏ်အားကောင်းဖို့အတွက် အကျိုးပြုပါတယ်။ ဒါ့အပြင် ချောကလက်က စိတ်ကြည်စေပြီးတော့ အရင်ကထက် အာရုံစူးစိုက်မှု ပိုကောင်းလာစေပါတယ်။ တစ်နေ့ကို ချောကလက် ၃၀ ဂရမ်ကနေ ၆၀ ဂရမ်အထိ စားသုံးပေးနိုင်ပါတယ်။

၈။ အခွံမာသီးများ

အခွံမာသီးတွေမှာ အင်တီအောက်ဆီးဒင့်၊ အကျိုးပြုတဲ့အဆီနဲ့ ဗီတာမင် E ပါတာကြောင့် ဦးနှောက်ကျန်းမာရေးအတွက် မရှိမဖြစ်စားသင့်ပါတယ်။ မကြာခဏသတိမေ့လျော့တတ်သူ၊ အာရုံစူးစိုက်မှု အားနည်းသူတွေအတွက် အခွံမာသီးတွေကို တစ်နေ့ကို ၃၀ ဂရမ်ခန့် စားသုံးပေးသင်ပါတယ်။

၉။ လိမ္မော်သီး

နေ့စဉ်လိုအပ်တဲ့ ဗီတာမင်စီဓာတ်ကို လိမ္မော်သီးက ဖြည့်ပေးနိုင်ပါတယ်။ ဗီတာမင်စီက အာရုံစူးစိုက်မှုအားကောင်းစေပြီး အသက်ကြီးတာကြောင့် မှတ်ဉာဏ်အားလျော့လာတာကို ကာကွယ်ပေးနိုင်ပါတယ်။ ခရမ်းချဉ်သီး၊ စတော်ဘယ်ရီသီး၊ ကီဝီသီး၊ မာလကာသီးတို့ကလည်း ဗီတာမင်စီ များပြားတဲ့အသီးတွေပါပဲ။

၁၀။ ကြက်ဥ

ကြက်ဥမှာ ဗီတာမင် B6 နဲ့ B12 ပါတပါတယ်။ ဗီတာမင်ဘီတွေက အယ်ဇိုင်းမားရောဂါဖြစ်နိုင်ခြေကို လျှော့ချပေးပါတယ်။ ဒါပေမယ့် မှတ်ဉာဏ်အားကောင်းလာစေဖို့လည်း ကူညီပေးပါတယ်။ သင့်မှာ ကိုလက်စထရောမများရင် ကြက်ဥကို တစ်နေ့တစ်လုံး စားပေးသင့်ပါတယ်။

၁၁။ လက်ဖက်စိမ်း

ကော်ဖီ၊ လက်ဖက်ရည်တို့လိုပဲ လက်ဖက်စိမ်းကလည်း မှတ်ဉာဏ်နဲ့အာရုံစူးစိုက်နိုင်စွမ်းကို မြှင့်တင်ပေးပါတယ်။ တက်ကြွနေဖို့လည်း ကူညီပေးပါတယ်။ လက်ဖက်စိမ်းက ဦးနှောက်နဲ့ပတ်သက်တဲ့ရောဂါတွေကိုလည်း ကာကွယ်ပေးပါတယ်။

ဦးနှောက်ကျန်းမာရေးအတွက် ရှောင်ကြဉ်သင့်သော အစားအစာများ

- အချိုများတဲ့ အားဖြည့်အချိုရည်၊ သစ်သီးအချိုရည်

- သကြားပါဝင်မှုများတဲ့ ကိတ်မုန့်များ၊ အချိုပြွများ

- ပြည့်ဝဆီများများပါရှိတဲ့ အစားအစာများ

- အငံများသော အစားအစာများ

- ငါးမန်း၊ ဓားရှည်နှုတ်သီးငါးတို့လို ပြဒါးပါဝင်မှုများတဲ့ အစားအစာများ

Zombie (lovemedia)

Post a Comment

0 Comments