ဖုန်းနဲ့ laptop ရဲ့သက်တမ်းကို ကြာရှည်မခံစေတဲ့ နေ့စဉ်အပြုအမူ (၁၀) ခု

Smartphone တွေက အမျိုးအစားပေါ်မူတည်ပြီး၊ အသုံးပြုတဲ့ပေါ်မူတည်ပြီး ၂ နှစ်မှ ၁၀ နှစ်အထိ အသုံးခံပါတယ်။ ဖုန်းတွေကို သေသေချာချာအသုံးပြုတဲ့အခါ သက်တမ်းကြာကြာ အသုံးပြုနိုင်မှာပါ။ ဒါပေမယ့် အသုံးပြုပုံ အမှားတွေကြောင့် ဖုန်းတွေက ရှိသင့်သလောက် သက်တမ်းကို ကြာရှည်မခံတော့ပါဘူး။

၁။ ဖုန်းအားသွင်းပေါက်ကို pin နဲ့ထိုးပြီး သန့်ရှင်းရေးလုပ်ခြင်း

ဖုန်းအားသွင်းပေါက်ထဲက ဖုန်တွေကို သန့်ရှင်းရေးလုပ်ဖို့အတွက် သတ္တုပစ္စည်းတွေဖြစ်တဲ့ pin, ဓား၊ စာရွက်ညှပ်ကလစ်တို့ကို အသုံးမပြုသင့်ပါဘူး။ သတ္တုပစ္စည်းတွေနဲ့ သန့်ရှင်းရေးလုပ်တဲ့အခါ ဖုန်းရဲ့အတွင်းပိုင်းအတွက် ဆိုးကျိုးတွေ ဖြစ်စေပါတယ်။ သွားကြားထိုးတံနဲ့ သန့်ရှင်းရေး လုပ်ပေးရင် လုပ်လောက်ပါပြီ။

၂။ ဖုန်းကို နေရောင်ခြည်တိုက်ရိုက်ထိတွေ့တဲ့နေရာမှာ ထားခြင်း

ဖုန်းကို အားသွင်းတဲ့အခါ နေရောင်ခြည် တိုက်ရိုက်ရတဲ့နေရာမျိုးမှာ အားသွင်းတာကို ရှောင်သင့်ပါတယ်။ ဖုန်းရဲ့မျက်နှာပြင်က အပူတွေကို လျင်လျင်မြန်မြန်စုပ်ယူနိုင်ပါတယ်။ နေရောင်ခြည် တိုက်ရိုက်ထိတွေ့တာကြောင့် ဖုန်းက အပူလွန်ကဲပြီး အလိုအလျောက်ပိတ်သွားတတ်ပါတယ်။

၃။ ဖုန်းအားကို လုံးဝကုန်တဲ့အထိ အသုံးပြုခြင်း

ဖုန်းရဲ့ဓာတ်ခဲသက်တမ်း ကြာရှည်ခံအောင်လို့ ဖုန်းအားကို ၂၀ ရာခိုင်နှုန်းနဲ့ ၈၀ ရာခိုင်နှုန်းကြားမှာပဲ ထားသင့်ပါတယ်။ ဖုန်းအားကို လုံးဝကုန်တဲ့အထိ အသုံးမပြုသင့်သလို ၈၀ ရာခိုင်နှုန်းကျော်အောင်လည်း အားမသွင်းသင့်ပါဘူး။

၄။ ရေစိုခံတယ်ဆိုတဲ့ဖုန်းကို ရေထဲမှာ အကြာကြီးစိမ်ထားခြင်း

အချို့သော ဖုန်းတွေက ရေစိုခံတယ်လို့ ကြော်ငြာကြပါတယ်။ ဒါပေမယ့် ရေစိုခံတယ်ဆိုတာက မတော်တဆ ရေဝင်တာနဲ့ မိုးရေစိုတာလောက်ကိုပဲ ရည်ညွှန်းတာပါ။ ဖုန်းက ရေထဲမှာ ၅ မိနစ်ကနေ ၃၀ မိနစ်ကြား နစ်မြှုပ်နေရင်တောင် အသုံးပြုဖို့ အဆင်မပြေနိုင်တော့ပါဘူး။

၅။ အန္တရာယ်ရှိနိုင်တဲ့ application တွေကို download ဆွဲခြင်း

ဖုန်းအတွက် application တွေကို ratings, reviews များတဲ့ နေရာတွေကနေပဲ download ဆွဲသင့်ပါတယ်။ ဒါ့အပြင် ဖုန်းမှာ anti-virus program တွေကိုလည်း ထည့်သွင်းထားပါ။

၆။ Computer keyboard ကို ညစ်ပတ်အောင်ထားခြင်း

Laptop မှာပဲဖြစ်ဖြစ်၊ desktop မှာပဲဖြစ်ဖြစ် keyboard ထဲမှာ ဖုန်တွေ၊ အမှုန်တွေ ဝင်ရောက်နေပါတယ်။ သင့်အိမ်မှာ အိမ်မွေးတိရစ္ဆာန်လေးတွေရှိတဲ့အခါ၊ ကွန်ပျူတာသုံးရင်း အစားစားတဲ့အခါ keyboard အတွက် ပိုညစ်ပတ်စေပါတယ်။

Keyboard ညစ်ပတ်တဲ့အခါ ပန်ကာတွေက နှစ်ဆပိုပြီးအလုပ်လုပ်ရတာကြောင့် အားပိုစိုက်ထုတ်ရပါတယ်။ အဲဒါကြောင့် ကွန်ပျူတာကို တတ်နိုင်သမျှ သန့်ရှင်းရေးလုပ်ပေးရင် ပိုကောင်းပါတယ်။

၇။ အိမ်သာထဲကို ဖုန်းယူသွားခြင်း

အိမ်သာထဲကို ဖုန်းယူသွားတဲ့အကျင့်က ကျန်းမာရေးကို တကယ်ထိခိုက်စေပါတယ်။ ဖုန်းယူသွားပြီးတဲ့အခါ အိမ်သာထဲမှာ အချိန်တွေက ပိုကြာသွားတာကြောင့် အချိန်လည်း ပိုကုန်ပါတယ်။ မတော်တဆ ဖုန်းက ရေထဲပြုတ်ကျသွားတဲ့အခါမှာလည်း ဖုန်းကိုလည်း ထိခိုက်စေမှာပါ။

၈။ ဖုန်းကို တစ်ညလုံး အားသွင်းထားခြင်း

ဖုန်းဓာတ်ခဲသက်တမ်းကို တိုစေတဲ့အကြောင်းအရင်းတွေထဲက တစ်ခုကတော့ ဖုန်းကို တစ်ညလုံးအားသွင်းထားတာပါပဲ။ ဖုန်းသက်တမ်းရှည်ကြာဖို့အတွက် ဖုန်းအားကို ၈၀ ရာခိုင်နှုန်းအထိပဲ သွင်းသင့်ပါတယ်။ ဒါပေမယ့် တစ်ညလုံးအားသွင်းထားရင်တော့ ဖုန်းအားက ၁၀၀ ရာခိုင်နှုန်းအထိ ရောက်သွားမှာပါ။ တစ်ညလုံး ဖုန်းအားသွင်းတာက မီးအန္တရာယ်လည်း ဖြစ်စေနိုင်ပါတယ်။

၉။ Laptop screen ကနေ ကိုင်ခြင်း

Laptop ကိုသယ်တဲ့အခါ screen နေရာကနေ ကိုင်ပြီးသယ်တာကို ရှောင်သင့်ပါတယ်။ မျက်နှာပြင်မညီတဲ့နေရာတွေမှာ laptopကို တင်ပြီး သုံးတာကလည်း မတော်တဆဖြစ်နိုင်ချေပိုများစေတဲ့အချက်ပါပဲ။

၁၀။ အိမ်သန့်ရှင်းရေးသုံးပစ္စည်းတွေနဲ့ Laptop screen ကို သန့်ရှင်းရေးလုပ်ခြင်း

ပြူတင်းပေါက်ကို သန့်ရှင်းတဲ့ဆပ်ပြာရည်နဲ့ Laptop screen ကို သန့်ရှင်းရေးလုပ်တာက တကယ်ကို ရှောင်သင့်တဲ့အချက်ပါပဲ။ အိမ်သန့်ရှင်းရေးသုံးပစ္စည်းတွေမှာ ammonia တွေပါဝင်တာကြောင့် Laptop screen ကို ဆိုးကျိုးဖြစ်စေပါတယ်။ Laptop screen ကို သန့်ရှင်းရေး လုပ်မယ်ဆိုရင် ရေနဲ့ နူးညံ့တဲ့ပိတ်စပါးလေးကို အသုံးပြုရင် လုံလောက်ပါတယ်။

Zombie (lovemedia)

Post a Comment

0 Comments