ယုံကြည်ချက်တခု

၁၉၅၀ ခုနှစ်မှာ တက္ကသိုလ် ပါမောက္ခ ကာ့တ်ရစ်ခ်ျတာ Curt Richter ဆိုတဲ့ ပုဂ္ဂိုလ်တဦးဟာ စက်ဆုပ်ဖွယ် ကောင်းတဲ့ စမ်းသပ်မှု တခု ပြုလုပ်ခဲ့တယ်။

သူက ကြွက် ဆယ့်နှစ်ကောင်ကို ရေတဝက် ထည့်ထားတဲ့ ဖန်ခွက်ရှည်တွေ ထဲကို ထည့်လိုက်တယ်။ အဲဒီ ဖန်ခွက်ရှည် တွေက ကြွက်တွေ ကုတ်ကပ်တက်လို့ မရအောင် ရှည်လျားသလို ခုန်ထွက် လို့လည်း မရနိုင်‌အောင် စီမံ ထားတယ်။

ဆယ့်ငါးမိနစ် ဝန်းကျင် ကြာတဲ့ အခါမှာ ကြွက်တွေဟာ ခြေကုန်လက်ပန်း ကျပြီး ရေနစ် သေဆုံးကုန် ကြတယ်။ သာမာန်အားဖြင့် ကြွက်တွေဟာ သေဘေးကနေ လွတ်လိုဇောနဲ့ ရုန်းကန်နိုင်စွမ်းက ဆယ့်ငါးမိနစ် ကြာတယ် ပြောရမှာပေါ့။

နောက်တသုတ် စမ်းသပ်ရာ မှာတော့ ရစ်ခ်ျတာက ဗျူဟာတခုကို ထပ်လုပ်ကြည့် လိုက်တယ်။ ဒီတခေါက်တော့ သူဟာ ကြွက်တွေ လက်ပန်း မကျခင် အချိန်လောက်မှာ သူတို့ အားလုံးကို ဖန်ခွက်ထဲ ကနေ ဆယ်ထုတ် လိုက်တယ်။

ခြောက်သွေ့ စေတယ်။ မိနစ်အနည်းငယ်လောက် အနားပေးလိုက်တယ်။ အဲဒီနောက်တော့ စောစောက အတိုင်း ရေတဝက် ဖြည့်ထားတဲ့ ဖန်ခွက်ထဲကို တဖန် ပြန်ပြီး ထည့်လိုက်တယ်။

အဲဒီ ဒုတိယအခေါက်မှာ ကြွက်တွေ ဘယ်လောက် ကြာကြာ တောင့်ခံနိုင်မယ်လို့ မိတ်ဆွေ ထင်သလဲ။ နောက်ထပ် ဆယ့်ငါးမိနစ်လား၊ ဆယ်မိနစ်လား၊ ငါးမိနစ်လား။

အဲဒီလို ထင်ရင်တော့ မိတ်ဆွေ မှားပြီ လို့ပဲ ပြောချင်တယ်။ ကြွက်တွေဟာ နာရီ ခြောက်ဆယ် ကြာအောင် ဆက်ပြီး ရုန်းကန်ကူးခတ် နေကြတယ်။ (နာရီ ခြောက်ဆယ်) နော်။

အဲဒီ အဖြစ်အပျက်ကို ကြည့်မယ် ဆိုရင် ကြွယ်တွေဟာ တချိန်ချိန်မှာ သူတို့ကို လာပြီး ကယ်ဆယ် လိမ့်မယ်။ သူတို့ဟာ တချိန်မှာ အသက်ရှင် ကျန်နေမယ် ဆိုပြီး ယုံကြည်သွား ကြတယ်။

အဲဒီ ယုံကြည်ချက်ဟာ ၁၅ မိနစ်သာ ရေကူးနိုင်တဲ့ ကြွက်တွေကို အဆပေါင်း ၂၄၀ အထိ ပိုပြီး ခံနိုင်ရည် ရှိသွားစေတယ်။ အဲဒီအထဲက ကြွက်တစ်ကောင်ဆိုရင် ၈၁ နာရီ အထိ ရုန်းကန် ရှင်သန်သွားတယ် လို့တောင် ဆိုတယ်။

ဆိုလိုတာက ကိစ္စတခုမှာ ကျွန်တော်တို့ ရုန်းကန် နေရချိန် တိုင်းမှာ ကျွန်တော်တို့ အတွက် ယုံကြည်ချက်ဟာ သိပ်ကို အရေးပါတယ်။

ကြွက်ဆိုတဲ့ တိရစ္ဆာန်တောင် ယုံကြည်ချက်တခု ရှိလာရင် အဆပေါင်း ၂၄၀ ထိ တောင့်ခံနိုင် သေးရင်၊ အသိဉာဏ် ရှိတဲ့ ကျွန်တော်တို့ မှာသာ တကယ်တမ်း ယုံကြည်ချက် ရှိနေခဲ့ရင် ကြုံတွေ့လာသမျှ အခက်အခဲတွေဟာ တချိန်မှာ မုချ လွန်မြောက်လာမယ်။

မုချ အောင်မြင်မယ်၊ မုချ လွန်မြောက်မယ် ဆိုတဲ့ Hope and optimism ဟာ အောင်မြင်မှု တခုအတွက် အင်မတန်မှ အရေးကြီးတယ် ဆိုတာ ပြောချင်တာပါ။

ဒါကြောင့် အားမလျှော့ပါနဲ့။ တောင့်ထားကြပါ။ ယုံကြည်ချက်ကို မစွန့်လွှတ် ကြစတမ်း ပေါ့လေ။ တခုပဲ ကြွက်တွေ ရေကူးနေသလို ကျွန်တော်တို့ ရုန်းကန်နေ ဖို့တော့ လိုတာပေါ့ဗျာ။ Crd

Post a Comment

0 Comments