ကလေးတွေအတွက် ကျန်းမာရေးနဲ့ ညီညွတ်တဲ့ သရေစာတွေကို ရွေးချယ်နည်း

ကလေးတွေဟာ သူတို့ရဲ့တစ်နေ့တာအတွက် လုံလောက်တဲ့စွမ်းအင်ရရှိဖို့ ၃-၄ နာရီတိုင်း အစာစားဖို့လိုအပ်ပါတယ်။ ဒါကြောင့် အစာ ၃ နပ်အပြင် တစ်နေ့ကို အဆာပြေ အနည်းဆုံး ၂ ခါလောက် စားဖို့လိုအပ်ပြီး သက်ကြီးရွယ်အိုတွေကတော့ အနည်းဆုံး ၁ ကြိမ် လိုအပ်ပါတယ်။ ကလေးငယ်တွေအတွက် အာဟာရဓာတ်တွေ ပေးစွမ်းပြီး ကျန်းမာရေးနှင့် ညီညွတ်တဲ့ သရေစာများစွာ ရှိပါတယ်။

မကောင်းတဲ့ သရေစာတွေကို ရှောင်သင့်ပါတယ်။

- အာလူးချောင်းကြော်

- အချိုရည်

စတိုးဆိုင်တွေမှာရောင်းတဲ့ ဖျော်ရည်အများစုမှာ တကယ့်သစ်သီးဖျော်ရည် အနည်းငယ်သာ ရှိပါတယ်။ ဖျော်ရည်အများစုမှာ သကြားဓာတ်တွေ အများကြီးပါပါတယ်။ အချိုရည်များများ သောက်ခြင်းက ကလေးတွေမှာ အဝလွန်ခြင်းကို ဖြစ်စေနိုင်ပါတယ်။

- ကွတ်ကီး

- သကြားလုံး

သကြားလုံးတွေမှာက အရသာအတုတွေနှင့်အတူ သကြားများစွာပါရှိတာကြောင့် ချောင်းဆိုးနိုင်တဲ့အပြင် အဝလွန်ခြင်းကို ဖြစ်စေနိုင်ပါတယ်။

- ဒိန်ချဉ်

ကျန်းမာနဲ့ ညီညွတ်တဲ့ ဒိန်ချဉ်တွေရှိပါတယ်။ ဒါပေမယ့် အများစုမှာ ဖြည့်စွက်စာတွေ၊ ကြာရှည်ခံပစ္စည်းတွေနဲ့ သကြားဓာတ်တွေ ပါဝင်တာကြောင့် ကလေးတွေအတွက် မကောင်းပါဘူး။ အနံ့အတုတွေနှင့် အရောင်ဆိုးဆေးတွေလည်း ပါဝင်နိုင်ပါတယ်။

- ပေါင်မုန့်ဖြူ

- ပြုပြင်ထားသောအသားများ

ကျောင်းအတွက် အဆာပြေမုန့်လေးတွေ ထည့်ပေးသင့်ပါတယ်

မုန့်ဗူးထဲမှာ လွယ်လွယ်နဲ့မပျက်စီးနိုင်မယ့် မုန့်တွေပဲ ထည့်ပေးပါ။

- လိမ္မော်သီး၊ ပန်းသီး၊ ငှက်ပျောသီး၊ စပျစ်သီးနှင့် ဇီးသီးလိုမျိုး အခွံပါတဲ့ အသီးအနှံတွေထည့်ပေးပါ။

- မုန်လာဥနီနဲ့ ခရမ်းချဉ်သီးလိုမျိုး အသီးအရွက်တွေ ကျွေးပါ။

- ဆလတ်ရွက်

- အစေ့အဆန်များ

- သကြားဓာတ်နည်းသော အစေ့အဆန်များ

- ကြက်ဥပြုတ်

- ရေ (ဒါဟာ ကလေးတွေအတွက် နေ့ခင်းဘက်မှာ ရေဓာတ်ရှိနေဖို့ အကောင်းဆုံး ရွေးချယ်မှုပါ)

- ဂျုံပါတဲ့ အသားညှပ်ပေါင်မုန့် (အဆီမဟုတ်သော ဒိန်ခဲ၊ အသား၊ ကြက်သားနှင့် ဟင်းသီးဟင်းရွက်များ)

အရေးကြီးတဲ့ အချက်

- နို့ထွက်ပစ္စည်းတွေ၊ ဥတွေနှင့် လှီးထားတဲ့ အသားတွေလိုမျိုး ပျက်စီးနိုင်တဲ့ အစားအစာတွေကို ပြင်ဆင်ပြီး ၄ နာရီအတွင်းမှာ စားသုံးသင့်ပါတယ်။ ချက်ပြုတ်ပြီးတာနဲ့ ဒီအစားအစာတွေကို ထုပ်ပိုးမထားပါနဲ့။ သူတို့ကို ရေခဲသေတ္တာထဲမှာ အရင်အအေးခံထားပါ။ ပြီးမှ စားပါ။

- အဆာပြေ မုန့်တွေကို ကြိုပြီး ပြင်ဆင်ထားရင် ရေခဲသေတ္တာထဲမှာ သိမ်းထားပြီးတော့ ကလေးကျောင်းသွားတဲ့အချိန်မှပဲ ထုတ်ပေးပါ။

- သင့်ကလေးတွေကို မုန့်တွေကို နေရောင်ခြည်နှင့် အပူရှိန်က ဝေးဝေးမှာထားဖို့ ပြောပါ။ အကောင်းဆုံးကတော့ locker လိုမျိုး မှောင်ပြီး အေးတဲ့ နေရာမျိုးမှာ ထားသင့်ပါတယ်။

အိမ်အတွက် ကျန်းမာရေးနှင့် ညီညွတ်သော မုန့်များ

ထမင်းစားစားပွဲရဲ့ အလယ်မှာ လတ်ဆတ်တဲ့ အသီးအနှံတွေ ထည့်ထားတဲ့ ခြင်းလေးရှိသင့်ပါတယ်။

- သရေစာအဖြစ် smoothie လုပ်ပါ။ နို့ ဒါမှမဟုတ် ဒိန်ချဉ်ကို ဘယ်ရီသီး၊ ငှက်ပျောသီးနှင့် အခြားသစ်သီးတွေနှင့် ရောသမမွှေပြီး သောက်ပါ။

- သကြားမပါတဲ့ ပန်းသီးဖျော်ရည်ကို လုပ်ပြီး အခွံမာသီးနှင့် စပျစ်သီးတွေထည့်ပါ။

ခရီးသွားရင် လုပ်သင့်တဲ့ အဆာပြေမုန့်များ

သင့်ကားထဲမှာ ရေခဲသေတ္တာ မပါရင်တောင် ဒီမုန့်တွေက အဆင်ပြေနိုင်ပါတယ်။

- အသီး

- အစေ့အဆန်တွေ

- ခါကြက်ဥချောင်းများ

ရေခဲသေတ္တာပါရင်လည်း အဆင်ပြေပါတယ်။

- အဆီမပါတဲ့ ဒိန်ခဲ

- အချိုမပါတဲ့ ဒိန်ချဉ် (ပရိုတင်းနှင့် ကယ်လ်စီယမ် ကြွယ်ဝတဲ့ ပါဝင်ပစ္စည်းတွေကို စစ်ဆေးပါ)

- ကြက်ရင်အုံသားနှင့် အသီးအရွက်တွေပါတဲ့ အသားညှပ်ပေါင်မုန့် (ကြက်ဆင် ဒါမှမဟုတ် အမဲသားလိုမျိုး အဆီမပါတဲ့အသားကို သုံးပါ)

Zombie (lovemedia)