ကိုယ်အလေးချိန်ကျဖို့ အစားအစာတွေကို ဘယ်လိုပေါင်းစပ်စားမလဲ

ဝိတ်ကျချင်ရင်တော့ မတူညီတဲ့ အစားအစာတွေကို စားဖို့လိုပါတယ်။ သူတို့အားလုံးမှာ မတူညီတဲ့ အာဟာရဓာတ်တွေ ပါဝင်ပါတယ်။ ဒါကြောင့် အချို့သော အစားအစာတွေက သင့်ကိုဗိုက်တော်တော်နဲ့ မဆာစေပဲ အချိန်ကြာကြာနေစေနိုင်ပါတယ်။ အဆီနှင့် ကယ်လိုရီတွေကိုလည်း လောင်ကျွမ်းစေပါတယ်။

ဟင်းနုနွယ်ရွက်၊ ဂေါ်ဖီထုပ်နဲ့ ထောပတ်သီး

ဟင်းနုနွယ်ရွက်နဲ့ ဂေါ်ဖီထုပ်မှာ ကယ်လိုရီနည်းပေမယ့် အာဟာရဓာတ်တွေ အများကြီးပါဝင်ပါတယ်။ ဒါပေမယ့် အဲဒါတွေသုပ်စားပြီးရင် ဗိုက်က တော်တော်နဲ့ မပြည့်ပါဘူး။ ဒါကြောင့် ထောပတ်သီးကို ထည့်သုတ်သင့်ပါတယ်။ ထောပတ်သီးမှာ ဆာလောင်မှုကို သက်သာစေတဲ့ monounsaturated fats တွေ ပါဝင်ပါတယ်။

ပဲနဲ့ ဟင်းသီးဟင်းရွက်ဟင်းရည်

သင့်ရဲ့ နေ့စဉ်ထမင်းစားပွဲမှာ ဟင်းသီးဟင်းရွက်ဟင်းရည် ထည့်သင့်ပါတယ်။ အရည်က ဗိုက်ပြည့်စေပြီး ကယ်လိုရီများတဲ့ အစားအစာတွေကို ထပ်မစားစေနိုင်တော့ပါဘူး။ လူအတော်များများဟာ ဟင်းရည်သောက်တဲ့အခါ ကယ်လိုရီ 20% လျှော့စားသလို ဖြစ်သွားပါတယ်။

အမျှင်ဓာတ်နဲ့ ပရိုတင်းဓာတ်ကြွယ်ဝတဲ့ ပဲ ဒါမှမဟုတ် ပဲစေ့တွေကို ပေါင်းထည့်တာက ဟင်းချိုကို ပိုပြီး အာဟာရဖြစ်စေပါတယ်။

ကြက်သားနှင့် ငရုတ်ကောင်း

ကြက်ရင်အုံသားက ကိုယ်အလေးချိန် လျှော့ချဖို့အတွက် ပြီးပြည့်စုံတဲ့အစားအစာပဲ ဖြစ်ပါတယ်။ ကယ်လိုရီနည်းပေမယ့်လည်း ပရိုတင်းဓာတ်တွေများစွာ ပါဝင်ပါတယ်။ ပရိုတိန်းက အစာချေဖို့ အချိန်ကြာမြင့်တာကြောင့် အချိန်ကြာကြာ ဗိုက်ပြည့်နေတယ်လို့ ခံစားရစေပါတယ်။

ငရုတ်ကောင်း ဒါမှမဟုတ် ဟင်းခတ်အမွှေးအကြိုင်တွေက ကိုယ်အလေးချိန် လျှော့ချတဲ့နေရာမှာ အရမ်းကို အသုံးဝင်ပါတယ်။ ကြက်သားထဲကို ငရုတ်ကောင်းထည့်ပြီး ချက်စားတာက ကယ်လိုရီတွေကို လောင်ကျွမ်းစေပြီး ပရိုတင်းဓာတ်က သင့်ကို ဗိုက်ပြည့်နေစေမှာပါ။

အမဲသားနှင့် မှို

ဟမ်ဘာဂါစားပြီး ကိုယ်အလေးချိန် ချလို့ရပါတယ်။ ဒီလိုဖြစ်ဖို့ ဟမ်ဘာဂါကို ကိုယ်တိုင်လုပ်ပြီး အမဲသား ၅၀ ရာခိုင်နှုန်းကို မှိုနဲ့ အစားထိုးပါ။ မှိုက သွေးတွင်းသကြားဓာတ်အဆင့်ကို တည်ငြိမ်စေပြီး ထိန်းထားနိုင်တာကြောင့် ဆာလောင်မှုမခံစားရစေပါဘူး။

အမဲသားနှင့် ပန်းမုန်လာ

အမဲသားမှာ ပရိုတင်းနဲ့ သံဓာတ်တွေ အများအပြား ပါဝင်ပါတယ်။ ကိုယ်ခန္ဓာအတွက် လိုအပ်တဲ့ အောက်ဆီဂျင်ကို ထုတ်ပေးတဲ့ သွေးနီဥလေးတွေ ဖန်တီးပေးပါတယ်။ သွေးနီဥ ချို့တဲ့ခြင်းက မကြာခဏ မောပန်းနွမ်းနယ်မှုကို ခံစားရစေပါတယ်။

ပန်းမုန်လာမှာ ဗီတာမင် C ပါဝင်တာကြောင့် ခန္ဓာကိုယ်က သံဓာတ်စုပ်ယူမှုကို ကူညီပေးပါတယ်။ သင့်ကို နေ့စဉ်ပုံမှန် ဗီတာမင်စီ ၆၅ ရာခိုင်နှုန်းလောက် ပေးစွမ်းနိုင်ပါတယ်။ပန်းမုန်လာနဲ့ အမဲသားကင်က သင့်ကို ခွန်အားရှိစေမယ့် ပေါင်းစပ်အစားအစာတစ်ခုပါပဲ။

ကြက်ဥ၊ ပဲအနက်၊ ငရုတ်ကောင်း

ကိုယ်အလေးချိန်ကျချင်ရင် မနက်စာအတွက် ကြက်ဥစားပါ။ ဒီလိုနည်းနဲ့ နေ့ဘက်မှာ လျှော့စားပါ။ ကြက်ဥကို အမျှင်ဓာတ်ကြွယ်ဝတဲ့ ပဲအနက်နဲ့ ငရုတ်ကောင်းတို့နဲ့ တွဲစားနိုင်ပါတယ်။

ဆယ်လ်မွန်နှင့် ကန်စွန်းဥ

ဆယ်လ်မွန်က အိုမီဂါ-၃ အဆီရဲ့ အဓိကအရင်းအမြစ် ဖြစ်ပါတယ်။ အဆီတွေကို ဖယ်ရှားဖို့ ကူညီပေးနိုင်ပါတယ်။ ကန်စွန်းဥနှင့် ဆယ်လ်မွန်က အာဟာရပြည့်ဝတဲ့ အစားအစာတွေပဲဖြစ်ပါတယ်။ ကယ်လိုရီနည်းပေမယ့်လည်း ပရိုတင်းနှင့် အမျှင်ဓာတ်များစွာ ပါဝင်ပါတယ်။

ကိုယ်အလေးချိန် ကျချင်သူများအတွက် Tacos

အစားအသောက်တွေရဲ့ အဓိကပြဿနာက ချိုမြိန်တဲ့အရသာပဲ ဖြစ်ပါတယ်။ လှပပြီးအရသာမရှိတဲ့ အစားအစာတွေကို တစ်ချိန်လုံး စားတာက ကျန်းမာရေးနှင့် မညီညွတ်ပါဘူး။ အဲဒါကြောင့် အစားအသောက်ကို မျှတအောင်ထိန်းပြီး အရသာရှိတဲ့ တစ်ခုခုကို ဆက်စားနေဖို့ အရေးကြီးပါတယ်။

- ပရိုတင်းဓာတ်ကြွယ်ဝတဲ့ ငါးဖြူတွေနဲ့ လုပ်ပါ။

- အမျှင်ဓာတ် လုံလောက်စွာပါရှိတဲ့ ဂျုံလုံးပေါင်မုန့်ကို သုံးပါ။

- ဗီတာမင်ကြွယ်ဝတဲ့ ဆားနည်းနည်းထည့်ပါ။

Oatmeal နှင့် သစ်ကြားသီး

ကိုယ်အလေးချိန် လျှော့ချချင်တယ်ဆိုရင်တော့ အမျှင်ဓာတ်ပါ၀င်တဲ့ အစားအသောက်တွေ စားသင့်ပါတယ်။ ခန္ဓာကိုယ်က မဖြိုခွဲနိုင်တဲ့အတွက် အစာချေဖို့ အချိန်အတော်ကြာယူရပါတယ်။

Oatmeal က အမျှင်ဓာတ်ကြွယ်ဝပါတယ်။ အမျှင်ဓာတ်နဲ့ ပရိုတင်းဓာတ်တွေကြွယ်ဝတဲ့ သစ်ကြားသီးကိုတူတူစားရင် အချိန်အကြာကြီး ဗိုက်ပြည့်နေပါလိမ့်မယ်။

ပန်းဂေါ်ဖီနှင့် သံလွင်ဆီ

ပန်းဂေါ်ဖီက ကယ်လိုရီနည်းပါတယ်။ သွေးတွင်းသကြားဓာတ်ကို အကျိုးသက်ရောက်စေတဲ့ glycemic index (GI) နည်းပါးတယ်။

GI နည်းပါးတဲ့ ဟင်းသီးဟင်းရွက်တွေက ပဲစေ့နှင့် ပြောင်းတွေထက် ကိုယ်အလေးချိန်ကျဖို့ ကူညီပေးတယ်လို့ ဆိုပါတယ်။ ပန်းဂေါ်ဖီကို သံလွင်ဆီဖြန်းပြီး အရသာပိုကောင်းအောင် ကြော်နိုင်ပါတယ်။

ဒိန်ချဉ်နှင့် ဘယ်ရီ

ဒိန်ချဉ်က အဆီတွေလောင်ကျွမ်းဖို့ ကူညီပေးနိုင်ပါတယ်။ ကယ်လ်စီယမ်နဲ့ ဗီတာမင် D များများစားတဲ့သူတွေက အဆီပိုကျပါတယ်။ ဗီတာမင် D ကြွယ်ဝတဲ့ ဒိန်ချဉ်ကို နေ့စဉ်စားပေးခြင်းက ကယ်လ်စီယမ် ၃၅ ရာခိုင်နှုန်းလောက် လောင်ကျွမ်းစေပါတယ်။ ဘယ်ရီသီးတွေသာ တစ်ဝက်လောက် ထည့်သောက်ရင် အရသာက ပိုကောင်းပါတယ်။

ပန်းသီးနှင့် pistachios

ပန်းသီး နှင့် pistachios တို့က အလွန်ကောင်းတဲ့ သရေစာတွေပဲ ဖြစ်ပါတယ်။ ဆာလောင်မှုကို သက်သာစေတဲ့ ပရိုတင်း၊ အဆီနှင့် အမျှင်ဓာတ်တွေ ပါဝင်ပါတယ်။ ဒီအခွံမာသီးတွေထဲမှာ ကယ်လိုရီအနည်းဆုံးပါဝင်ပါတယ်။ ဒါ့အပြင် pistachios အခွံခွာနေရတာက အစားအစားတာကို နှေးကွေးစေပြီး အဝလွန်ခြင်းမှ ကာကွယ်ပေးပါတယ်။

ချောကလက်နှင့် ဗာဒံစေ့

ကိုယ်အလေးချိန်ကျဖို့ လူတော်တော်များများက အချိုတွေကို လုံးဝမစားတော့ပါဘူး။ ဒါပေမယ့် မစားပဲနေတာက အလွန်အကျွံ စားသုံးခြင်းကို ဖြစ်ပေါ်စေနိုင်ပါတယ်။

အချိုပွဲအဖြစ် သကြားအနည်းငယ်နဲ့ အနက်ရောင်ချောကလက်ကို စားပါ။ ပရိုတင်းဓာတ်များစွာပါဝင်တာကြောင့် ဗာဒံစေ့ကိုထည့်စားသင့်ပါတယ်။ ဗာဒံက သွေးတွင်းသကြားဓာတ်ကို တည်ငြိမ်စေပါတယ်။

ကြက်ဥနှင့် ဟင်းနုနွယ်ရွက်

ကြက်ဥတစ်လုံးမှာ ပရိုတင်းဓာတ် ၆ ဂရမ်ခန့် ပါဝင်ပါတယ်။ ကြက်ဥတွေမှာ arginine အမိုင်နိုအက်ဆစ်လည်း ပါဝင်ပါတယ်။ လေ့လာမှုတစ်ခုအရ arginine ကို ၁၂ ပတ်ကြာ စားသုံးတဲ့အမျိုးသမီးတွေဟာ ခါးတစ်ဝိုက်မှာ ၆ ပေါင်နှင့် ၂.၅ လက်မခန့် လျော့ကျသွားကြောင်း သိရပါတယ်။

ဟင်းနုနွယ်ရွက်မှာ အမျှင်ဓာတ်နဲ့ သံဓာတ်ကြွယ်ဝစွာ ပါဝင်ပါတယ်။ ကြက်ဥကို စားတာက သင့်ကြွက်သားတွေကို သန်မာစေပါတယ်။ အစိမ်းရောင်ဟင်းနုနွယ်ရွက်ကို စားသုံးခြင်းကလည်း ကိုယ်အလေးချိန်ကျစေပါတယ်။

Green tea နှင့် သံပုရာ

Green Tea တစ်ခွက်က သင့်ကို အားအင်တွေ တိုးစေပါတယ်။ သူ့မှာ ကယ်လိုရီနှင့် အဆီတွေကို လောင်ကျွမ်းစေဖို့ ကူညီပေးတဲ့ catechinsလို့ ခေါ်တဲ့ ဓာတ်တိုးဆန့်ကျင်ပစ္စည်းတွေ ပါဝင်ပါတယ်။

နေ့စဉ် ၄ ခွက်သောက်တာက ကိုယ်အလေးချိန်ကျဖို့နဲ့ သွေးလွှတ်ကြောဖိအားကို လျော့ကျစေပါတယ်။ ခန္ဓာကိုယ်က antioxidants တွေကို စုပ်ယူနိုင်စေဖို့ သံပုရာသီး ထည့်ပါ။

ကြက်သား၊ ဂေါ်ဖီထုပ်၊ မုယောစပါး

ကြက်သားဟာ အဆီမဟုတ်တဲ့ ပရိုတင်းဓာတ်တွေ ကြွယ်ဝပါတယ်။ ပြီးတော့ ကြွက်သားတွေကို ကြီးထွားစေပြီး အချိန်ကြာကြာ ဗိုက်ပြည့်စေပါတယ်။

ဂေါ်ဖီထုပ်လိုမျိုး အရွက်စိမ်းတွေနဲ့ ကြက်ရင်အုံသားကို ရောလိုက်ပါ။ အမျှင်ဓာတ်နှင့် ပရိုတင်းဓာတ်ပိုမိုရရှိစေဖို့ မုယောစပါးလိုမျိုး အစေ့အဆန်တွေကိုလည်း ထည့်နိုင်ပါတယ်။

သံပုရာသီး၊ သခွားသီးနှင့် ရေ

Detox water က ကိုယ်အလေးချိန်ကျဖို့ ကူညီပေးနိုင်ပါတယ်။ အရသာရှိပြီး သဘာဝပါဝင်ပစ္စည်းတွေပါတဲ့ ရေကို ပိုသောက်သင့်ပါတယ်။ ဇီဝဖြစ်ပျက်မှုကို ပိုမိုကောင်းမွန်စေတဲ့ အာဟာရပါဝင်ပစ္စည်းတွေကိုလည်း ထည့်နိုင်ပါတယ်။

ဗီတာမင် C နှင့် K ကြွယ်ဝတဲ့ သခွားသီးကို ရေထဲ ထည့်ပါ။ ပြီးရင် သံပုရာသီးအနည်းငယ် ညှစ်ထည့်ပါ။ အစာစားချင်စိတ်ကို လျော့ကျစေပါတယ်။

ပန်းသီး၊ မြေပဲထောပတ်နှင့် သစ်ကြံပိုးခေါက်

ပန်းသီးနှင့် မြေပဲထောပတ်တို့က ကိုယ်အလေးချိန်လျှော့ကျစေပါတယ်။ မြေပဲထောပတ်မှာပါတဲ့ Monounsaturated fats က သင့်ကို အချိန်တော်တော်ကြာ ဗိုက်မဆာစေပါဘူး။ ပန်းသီးမှာက ကယ်လိုရီနည်းပြီး အမျှင်ဓာတ်ကြွယ်ဝပါတယ်။ ပန်းသီးတစ်လုံးမှာ ကယ်လိုရီ 100 ဝန်းကျင်နဲ့ နေ့စဉ် အမျှင်ဓာတ် 14% ပါဝင်ပါတယ်။ သစ်ကြံပိုးခေါက်ကို ကိုယ်အလေးချိန် လျှော့ချရာမှာ သုံးနိုင်ပါတယ်။

ဒိန်ခဲ၊ ဘယ်ရီသီးနှင့် ဗာဒံစေ့

ဒိန်ခဲမှာပါတဲ့ အမိုင်နိုအက်ဆစ်၊ tryptophanက သင့်ကို အချိန်ကြာကြာ ဗိုက်ပြည့်စေပြီး နှစ်ခြိုက်စွာ အိပ်ပျော်စေပါတယ်။ Antioxidant ကြွယ်ဝတဲ့ စတော်ဘယ်ရီသီးနှင့် ဒိန်ခဲတို့ကို ရောစားပါ။ ပြီးတော့ ဗာဒံသီးလက်တစ်ဆုပ်စာက သင့်အတွက် ကောင်းမွန်တဲ့ အဆီဓာတ်နဲ့ ပရိုတင်းဓာတ်တွေကို ပေးပါလိမ့်မယ်။

သံလွင်ဆီ၊ ငရုတ်ကောင်းနှင့် အာလူး

အာလူးမှာ ပိုတက်စီယမ်များစွာ ပါဝင်တာကြောင့် ကိုယ်အလေးချိန် ပိုတက်အောင် ကူညီပေးပါတယ်။ လေ့လာမှုတွေအရ အာလူးက အမျှင်ဓာတ်ကြွယ်ဝတဲ့ ဆန်လုံးညိုနှင့် oatmeal တွေထက်တောင် ဗိုက်ပိုပြည့်စေတယ်လို့ လေ့လာမှုတွေက ဖော်ပြထားပါတယ်။

အာလူးကြော်ကတော့ ကိုယ်အလေးချိန်ကျဖို့ မကူညီပေးပါဘူး။ အာလူးကို သံလွင်ဆီနဲ့ ဖုတ်သင့်ပြီး piperine ပါ၀င်တဲ့ ငရုတ်ကောင်းကို ထည့်ပြီးသုံးရင် ကိုလက်စထရောအဆင့်ကို လျှော့ချပေးပါတယ်။

Zombie (lovemedia)

Post a Comment

0 Comments