နေ့စဉ်အစားအစာတွေထဲက ကိုလက်စထရောပါဝင်မှုများတဲ့ အစားအစာ (၁၀) မျိုးအကြောင်း

ဗီတာမင်ဒီထုတ်လုပ်မှု၊ စတီးရွိက်ဟော်မုန်း၊ သည်းခြေအက်စစ်တို့အတွက် ကိုလက်စထရောက မရှိမဖြစ် လိုအပ်ပါတယ်။ ဒါပေမယ့် ခန္ဓာကိုယ်မှာ ကိုလက်စထရောများတဲ့အခါ နှလုံးသွေးကြောနဲ့ ပတ်သက်တဲ့ရောဂါတွေ ဖြစ်စေပါတယ်။

ကိုလက်စထရောကို တစ်နေ့တာအတွက် ၃၀၀ မီလီဂရမ်ပဲ စားသုံးသင့်ပါတယ်။ ဒီနေ့မှာတော့ နေ့စဉ်အစားအသောက်ထဲက ကိုလက်စထရောများတဲ့ အစားအစာတွေအကြောင်းကို love media ကနေ ဖော်ပြပေးပါမယ်နော်။

၁။ အသည်း

တိရစ္ဆာန်တွေကနေ ရတဲ့အသည်းတွေမှာ ကိုလက်စထရောတွေ အများကြီးပါဝင်ပါတယ်။ သင်က အသည်းခရေဇီ ဆိုရင်တော့ အကန့်အသတ်နဲ့ပဲ စားသင့်ပါတယ်။ ချက်ထားတဲ့အသည်း ၁၀၀ ဂရမ်မှာ ကိုလက်စထရော ၄၉၃ မီလီဂရမ် ပါဝင်တာကြောင့် တစ်နေ့တာစားသင့်တာထက်ကို ပိုနေပါတယ်။

၂။ ကြက်ဥ

ကြက်ဥပြုတ်မှာ ကိုလက်စထရောတွေ အမြောက်အများပါပဲ။ ကြက်ဥပြုတ် ၁၀၀ ဂရမ်မှာ ကိုလက်စထရော ၃၇၃ မီလီဂရမ် ပါရှိပါတယ်။ ဒါပေမယ့် ကြက်ဥကို ကိုလက်စထရောမြင့်စေတဲ့ အစားအစာဖြစ်တယ်လို့ အချို့တွေက မယူဆကြပါဘူး။ သင်က ကိုလက်စထရောမြင့်နေသူ ဆိုရင်တော့ ကြက်ဥကို အများကြီး မစားသင့်ပါဘူး။

၃။ စည်သွပ်ဘူးထဲက ပုစွန်

အသင့်စားသုံးလို့ရအောင် ထုတ်လုပ်ထားတဲ့ စည်သွပ်ဘူးပုစွန် ၁၀၀ ဂရမ်ဆိုရင် ကိုလက်စထရော ၂၅၂ မီလီဂရမ် ပါရှိပါတယ်။ ဒါပေမယ့် ပုစွန်က အခြားပင်လယ်စာအစားအစာတွေလိုပဲ အိုမီဂါ ၃ အက်စစ်ကနေ အိုမီဂါ ၆ အက်စစ်အထိ ပါရှိတာကြောင့် နှလုံးကျန်းမာရေးကိုလည်း ကောင်းမွန်နေစေပြန်ပါတယ်။

၄။ ထောပတ်

ထောပတ် ၁၀၀ ဂရမ်မှာ ကိုလက်စထရော ၂၁၅ မီလီဂရမ် ပါရှိပါတယ်။ အဲဒီပမာဏက နေ့စဉ်စားသင့်တဲ့ ကိုလက်စထရော ၇၂ ရာခိုင်နှုန်းပါပဲ။ ထောပတ်မှာ ပြည့်ဝဆီတွေလည်း ပါရှိတာကြောင့် အများကြီးမစားသင့်ပါဘူး။

၅။ အသင့်စားအစားအစာများ

အသင့်စားအစားအစာတွေမှာ အဆီတွေ အများကြီးပါပဲ။ ဒါ့အပြင် ကိုလက်စထရောပါဝင်မှုကလည်း မြင့်နေပါသေးတယ်။ မနက်စာအတွက် ကြက်ဥ၊ ချိစ်၊ ဝက်ပေါင်ခြောက်စားမယ်ဆိုရင် ကိုလက်စထရောက အများကြီးမြင့်တက်သွားမှာပါ။

၆။ အချိုပွဲများ

ကြက်ဥ၊ နွားနို့၊ ထောပတ်၊ ချောကလက်နဲ့ ပြုလုပ်ထားတဲ့အချိုပွဲတွေတွေက ကိုလက်စထရောအများကြီးပါတာကြောင့် အကန့်အသတ်နဲ့သာ စားသုံးသင့်ပါတယ်။ ချောကလက်ကိတ် ၁၀၀ ဂရမ်ဆိုရင် ကိုလက်စထရောက ၁၄၀ မီလီဂရမ်တာပါတာကြောင့် နည်းနည်းပါးပါးလောက်သာ စားပါ။

၇။ အဆီများတဲ့အသားများ

အဆီများတဲ့အသားတွေမှာလည်း ကိုလက်စထရောတွေက မြင့်နေတတ်ပါတယ်။ ကြက်ခြေထောက်ကြော် ၁၀၀ ဂရမ်မှာ ကိုလက်စထရောက ၁၂၇ မီလီဂရမ်ပါတဲ့အပြင် အဆီတွေလည်း ပါဝင်နေပါသေးတယ်။

၈။ ချိစ်

သင်က ချိစ်ကြိုက်တတ်သူဆိုရင်တော့ ချိစ်ကို လျှော့စားသင့်နေပါပြီ။ ကိုလက်စထရောများသူတွေအတွက် ချိစ်က လျှော့ပြီးစားရမယ့် အစားအစာထဲမှာ ပါဝင်ပါတယ်။ ချိစ် ၁၀၀ ဂရမ်မှာ ကိုလက်စထရော ၁၂၃ မီလီဂရမ် ပါဝင်နေပါတယ်။

၉။ ခရင်မ်

ခရင်မ်တွေမှာ အချိုတွေ၊ အဆီတွေများတဲ့အပြင် ကိုလက်စထရောလည်း များနေတာကြောင့် ကန့်သတ်ပြီးတော့သာ စားသင့်ပါတယ်။ ခရင်မ်၁၀၀ဂရမ်မှာ ကိုလက်စထရော ၁၁၁ မီလီဂရမ် ပါရှိနေတာဖြစ်ပြီး ဒီပမာဏဟာ နေ့စဉ်စားသင့်တဲ့ ကိုလက်စထရောပမာဏရဲ့ ၃၇ ရာခိုင်နှုန်းရှိပါတယ်။

၁၀။ ဝက်ဆားနယ်ခြောက်

ဝက်ဆားနယ်ခြောက်ကြော်က လူကြိုက်များတဲ့ အစားအစာစာရင်းထဲမှာ ထိပ်ဆုံးပါပဲ။ ဒါပေမယ့် ဝက်ပေါင်ခြောက်က ကျန်းမာရေးနဲ့ မသင့်တော်တဲ့ အစားအစာပါ။ ဝက်ပေါင်ခြောက် ၁၀၀ ဂရမ်မှာ ကိုလက်စထရော ၉၉မီလီဂရမ်တောင် ပါရှိပါတယ်။

Zombie (lovemedia)

Post a Comment

0 Comments