အိမ်သာသုံးစက္ကူက ဘာကြောင့် ကျန်းမာရေးနဲ့ မညီညွတ်တာလဲ

ဒီနေ့ဒီအချိန်မှာ အိမ်သာသုံးစက္ကူကို အသုံးမပြုသူ မရှိသလောက် ရှားပါတယ်။ ဒါတွေကလည်း နေ့စဉ်ဘဝရဲ့ အစိတ်အပိုင်းတစ်ခုပါပဲ။ မကြာသေးမီကပဲ အိမ်သာသုံးစက္ကူတွေက ကျန်းမာရေးကို အမှန်တကယ်ဆိုးရွားစေနိုင်ကြောင်း သတင်းတွေ ထွက်ပေါ်လာခဲ့ပါတယ်။

အိမ်သာသုံးစက္ကူကို ၁၈၉၀ ခုနှစ်ကတည်းက စတင်ရောင်းချခဲ့ပါတယ်။ ၁၉၄၂ ခုနှစ်မှာ ပထမဆုံး အပျော့စား နှစိလွှာ အိမ်သာသုံးစက္ကူ ပေါ်လာပါတယ်။ ၁၉၆၀ခုနှစ်မှာတော့ အရောင်အမျိုးမျိုးရှိတဲ့ စက္ကူကိုထုတ်လုပ်လာပါတယ်။

အိမ်သာသုံးစက္ကူတွေက အလွန်အသုံးဝင်ပြီး သက်တောင့်သက်သာရှိတဲ့ တီထွင်မှုတစ်ခုဖြစ်ပါတယ်။ ဒါပေမယ့် ဒီနေ့ခေတ် ကျွမ်းကျင်သူတွေကတော့ စက္ကူတွေဟာ အန္တရာယ်ရှိတယ်လို့ မကြာခဏ ပြောနေကြပါတယ်။ ဘာတွေလဲ ဆိုတာကို love media နဲ့တူတူကြည့်လိုက်ရအောင်။

အိမ်သာသုံးစက္ကူကို ဘာနဲ့ပြုလုပ်ထားတာလဲ။

အိမ်သာသုံးစက္ကူကို သစ်သား ဒါမှမဟုတ် ပြန်လည်အသုံးပြုထားတဲ့ စက္ကူတွေနဲ့ ပြုလုပ်ထားပါတယ်။ ပထမအခြေအနေမှာတော့ အောက်ပါထုတ်ကုန်တွေကိုအသုံးပြုထားပါတယ်။

- သစ်မာ

အိမ်သာသုံးစက္ကူကို သစ်မာ 70% (သစ်သား၊ ဝက်သစ်ချပင်၊ မေပယ်) နဲ့လုပ်ထားပါတယ်။ အမျှင်တိုတွေက စက္ကူကို ပျော့ပြောင်းစေပါတယ်။

- သစ်ပျော့

အိမ်သာသုံးစက္ကူမှာ ရှည်လျားပြီးအမျှင်တွေပါရှိတဲ့ 30% သစ်သားပျော့ (Douglas fir၊ Southern ထင်းရှူး) ပါဝင်ပါတယ်။ သူတို့က စက္ကူကို တာရှည်ခံအောင်လုပ်ပေးပါတယ်။

- သစ်သားထဲကနေ အမျှင်တွေ ထုတ်ယူဖို့ ဓာတုပစ္စည်းတွေကို အသုံးပြုထားပါတယ်။

- အရောင်ချွတ်ဆေး

စက္ကူဖြူူဖြူသန့်သန့်လေးတွေရဖို့ ထုတ်လုပ်သူတွေက ကလိုရင်းဒိုင်အောက်ဆိုဒ် (ကလိုရင်းအခြေခံအရောင်ချွတ်ဆေး) ကို အသုံးပြုကြပါတယ်။

- ရေကိုလည်း စုပ်ယူသွားပြီး ပိုးမွှားတွေလည်း ကပ်နိုင်ပါတယ်။

အိမ်သာသုံးစက္ကူကို ပြန်လည်အသုံးပြုထားတဲ့ စက္ကူတွေနဲ့ လုပ်တဲ့အခါမှာတော့ ဒီပစ္စည်းတွေကို အသုံးပြုပါတယ်။

- စက္ကူ

သတင်းစာနှင့် ရုံးသုံးစာရွက်အဟောင်းတွေကို အသုံးပြုပါတယ်။

- ရေ

- အရောင်ချွတ်ဆေး

ပစ္စည်းတွေကို အရောင်ချွတ်ဖို့ အိုဇုန်း၊ အောက်ဆီဂျင်၊ ဟိုက်ဒရိုဂျင်ပါအောက်ဆိုဒ်နှင့် ဆိုဒီယမ်ဟိုက်ဒရောဆိုဒ်တို့ကို အသုံးပြုပါတယ်။

- ဓာတုဆေးဝါး

အိမ်သာသုံးစက္ကူရဲ့ အန္တရာယ်များ အားလုံးသိကြတဲ့အတိုင်း အိမ်သာသုံးစက္ကူတွေက ကျန်းမာရေးအတွက် မကောင်းပါဘူး။ သူ့ရဲ့ ထုတ်လုပ်မှုမှာ ဓာတုပစ္စည်းအများအပြားကို အသုံးပြုထားတာကြောင့် အန္တရာယ်လည်း ရှိပါတယ်။

-Phthalates

phthalates ပါဝင်မှုက endocrine စနစ်နှင့် မျိုးပွားမှုဆိုင်ရာ လုပ်ငန်းဆောင်တာတွေအပေါ် မကောင်းတဲ့ သက်ရောက်မှုရှိစေပါတယ်။ ကလေးတွေရဲ့ ကျန်းမာရေးကိုလည်း ထိခိုက်စေနိုင်ပါတယ်။

- စက္ကူဖြူစေဖို့ Semiolatile chlorinated organic compounds (SVCOCs) ကို အသုံးပြုထားပါတယ်။

- Polycyclic aromatic hydrocarbon က ဓာတ်မတည့်တဲ့ တုံ့ပြန်မှုတွေ ဖြစ်စေပြီးတော့ endocrine စနစ်ကို အနှောင့်အယှက် ဖြစ်စေနိုင်ပါတယ်။

- Formaldehydeကို ရေစိုခံစက္ကူပြုလုပ်ဖို့ အသုံးပြုပါတယ်။ ဒါပေမယ့် ဒါဟာ ကင်ဆာဖြစ်စေတဲ့ ဓာတုပစ္စည်းဖြစ်ပြီး အရေပြားယားယံမှုကို ဖြစ်စေနိုင်ပါတယ်။

- ပြန်လည်အသုံးပြုထားတဲ့ပစ္စည်းတွေနဲ့လုပ်ထားတဲ့ အိမ်သာသုံးစက္ကူတွေမှာ Bisphenol A (BPA) ပါဝင်ပါတယ်။ ဒါဟာ endocrine စနစ်အပေါ်တုံ့ပြန်မှုရှိပြီးမျိုးပွားမှုဆိုင်ရာပြဿနာတွေ၊ အပျိုဖော်ဝင်စအစောပိုင်းမှာ နာကျင်တာတွေနှင့် ရင်သားကင်ဆာတို့ကိုဖြစ်ပေါ်စေနိုင်ပါတယ်။

- အိမ်သာသုံးစက္ကူမှာပါတဲ့ အရောင်ဆိုးဆေးတွေက ထိတွေ့အရေပြားရောင်ရမ်းခြင်း (ဓာတ်မတည့်ခြင်း) ကို ဖြစ်စေနိုင်ပါတယ်။

အိမ်သာသုံးစက္ကူ အမျိုးအစားအချို့မှာ PAHs၊ phthalates နှင့် SVCOCs တွေ မြင့်မားနေကြောင်း သက်သေပြတဲ့ လေ့လာမှုတစ်ခု ပြုလုပ်ခဲ့ပါတယ်။ ကင်ဆာဖြစ်နိုင်ခြေကို တိုးမြင့်စေတယ်လို့ လက်ခံထားကြပါတယ်။

- ရနံ့ပါတဲ့ အိမ်သာသုံးစက္ကူတွေက ဆီးလမ်းကြောင်းကို ထိခိုက်စေနိုင်ပြီး အချို့အမျိုးသမီးတွေမှာ ဆီးလမ်းကြောင်းပိုးဝင်နိုင်ပါတယ်။

- အိမ်သာသုံးစက္ကူ အသုံးပြုခြင်းက စအိုတစ်ဝိုက်မှာရှိတဲ့ အာရုံကြောတွေ အာရုံခံနိုင်စွမ်းကို ပြဿနာရှိစေပါတယ်။ ဝမ်းသွားခြင်း၊ ယားယံခြင်း နှင့် အူလမ်းကြောင်းဆိုင်ရာ ပြဿနာရှိသူတွေက အိမ်သာသုံးစက္ကူကို အသုံးပြုဖို့ အကြံမပြုထားပါဘူး။။ ရေကိုသာ အသုံးပြုသင့်ပါတယ်။

အိမ်သာသုံးစက္ကူနေရာမှာ ဘာနဲ့အစားထိုးမလဲ။

ကျွမ်းကျင်သူတွေကတော့ ရေကိုသာ အသုံးပြုဖို့ အကြံပေးထားကြပါတယ်။

- တစ်ကိုယ်ရေသန့်ရှင်းမှု။

ရေနှင့် ဆပ်ပြာကို အသုံးပြုခြင်းက စက္ကူနဲ့ သုတ်တာထက် ပိုပြီး တစ်ကိုယ်ရေသန့်ရှင်းမှု ရှိစေပါတယ်။

- လိပ်ခေါင်းဖြစ်နိုင်ခြေကို လျှော့ချပေးပါတယ်။

ရေကို အသုံးပြုခြင်းက စအိုအပေါ် ဖိအားကို လျော့ကျစေပြီး လိပ်ခေါင်းဖြစ်

နိုင်ချေကို လျော့ကျစေပါတယ်။

- သဘာဝပတ်ဝန်းကျင် ထိခိုက်မှုနည်းစေပါတယ်။

အိမ်သာသုံးစက္ကူက ပတ်ဝန်းကျင်အတွက် အဆိပ်ဖြစ်စေပါတယ်။ အကြွင်းအကျန်တွေက ကာဗွန်တွေကို ချန်ထားခဲ့ပြီး သစ်တောတွေကို ထိခိုက်စေပါတယ်။ အဲဒါကြောင့် အိမ်သာသုံးစက္ကူသုံးစွဲမှုကို တတ်နိုင်သမျှ လျှော့ချဖို့ အရေးကြီးပါတယ်။

Zombie (lovemedia)

Post a Comment

0 Comments