ဆံပင်အမျိုးအစားပေါ်မူတည်ပြီး Hair conditioner ကို ရွေးချယ်အသုံးပြုနည်း

ခေါင်းလျှော်ရည်တွေက တစ်ခါတရံမှာ ဆံပင်တွေကို ဖွာသွားစေတာကြောင့် hair conditioner ကို အသုံးပြုကြပါတယ်။ Hair conditioner မှာ ဆံသားတွေကို နူးညံ့စေတဲ့အစွမ်းတွေရှိပါတယ်။

Hair conditionerက အမျိုးအစား အများကြီးရှိတာကြောင့် ဆံပင်ပေါ်မူတည်ပြီး ဘယ်လိုရွေးချယ်သင့်လဲ ဆိုတာကို love media ကနေ ဖော်ပြပေးပါမယ်နော်။

Hair conditioner အမျိုးအစားများ

Rinse-out conditioner ကတော့ လူအများနဲ့ ရင်းနှီးပြီးသားပါပဲ။ ခေါင်းလျှော်ရည်နဲ့ ဆံပင်ကို လျှော်ပြီးနောက်မှာ Rinse-out conditioner ကို အသုံးပြုကြပါတယ်။ ဆံသားကို နူးညံ့စေပြီး အပူဒဏ်ကနေ ကာကွယ်ပေးတာကြောင့် လူသုံးများကြပါတယ်။

Deep conditioner ကတော့ ဆံသားအရမ်းပျက်နေတဲ့သူတွေ၊ ခြောက်သွေ့နေသူအတွက် ဆံသားအထဲအထိ ကောင်းမွန်စေပါတယ်။ ဒါပေမယ့် ဆံပင်က အရမ်းအဆီပြန်တတ်သူဆိုရင်တော့ Rinse-out conditioner ကို မသုံးတာပိုကောင်းပါတယ်။ သုံးလိုက်တဲ့အခါ ဆံပင်က ပိုပြီးအဆီပြန်လာလို့ပါ။

Leave-in conditioner ကတော့ ဆံပင်ပါးသူ၊ ဆံပင်ကောက်သူတွေအတွက် ရွေးချယ်သင့်တဲ့ အမျိုးအစားပါ။ သုံးရတာလွယ်ကူပြီး ဆံပင်ကိုလည်း ရေဓာတ်ဖြည့်ပေးပါတယ်။

Rinse-out conditioner ကို အသုံးပြုနည်း

- ခေါင်းလျှော်ရည်အသုံးပြုပြီးနောက် ဆံပင်ကို ရေဆေးချလိုက်ပါ။

- ဆံပင်ထူသူဆိုရင် ဆံပင်ကို နှစ်ခြမ်းခွဲလိုက်ပါ။ Rinse-out conditioner ကို လိုအပ်သလောက်ယူပြီး ဆံသားပေါ်မှာ လိမ်းလိုက်ပါ။ conditioner ကို ဦးရေပြားကိုမထိဖို့တော့ သတိထားသင့်ပါတယ်နော်

- အဲနောက် ဆံပင်ကို တဘက် သို့မဟုတ် ရေချိုးဦးထုပ်နဲ့ ပေါင်းထားလိုက်ပါ။ အဲဒီလိုပေါင်းထားတဲ့အခါ conditioner က ဆံသားတွေအထဲ ပိုဝင်ပြီး ဆံပင်က ပိုပြီးနူးညံ့ပါတယ်။

- အချိန်ခဏကြာရင်တော့ conditioner တွေကို ရေဆေးချလိုက်လို့ရပါပြီ။

Deep conditioner ကို အသုံးပြုနည်း

- ဆံပင်အထူအပါးပေါ်မူတည်ပြီး Deep conditioner ကို ယူလိုက်ပါ။

- ထုတ်လုပ်တဲ့ ပစ္စည်းပေါ်မူတည်ပြီး Deep conditioner က ဆံပင်စိုနေတဲ့အချိန် သို့မဟုတ် ဆံပင်ခြောက်နေတဲ့အချိန်မှာ အသုံးပြုနိုင်ပါတယ်။ အဲဒါကြောင့် အညွန်းကို အရင်ဖတ်သင့်ပါတယ်။

- အညွန်းမှာရေးထားတဲ့အတိုင်း conditioner ကို ဆံပင်မှာ ၁၀ မိနစ်ကနေ မိနစ် ၃၀ အထိ ပေါင်းထားပါ။

- မိနစ် ၃၀ ခန့်ကြာပြီးတဲ့အခါ conditioner တွေကို ရေဆေးချလိုက်ပါ။

Leave-in conditioner ကို အသုံးပြုနည်း

- ဆံပင်ကို ရေနဲ့ဆေးချပြီးနောက် စိုအောင်ထားလိုက်လို့လည်းရသလို အနည်းငယ်ခြောက်အောင် သုတ်လိုက်လို့လည်း ရပါတယ်။

- Leave-in conditioner ကို ယူပြီး ဆံပင်မှာ လိမ်းလိုက်ပါ။

- ပြီးရင်တော့ ဆံပင်ကို ဘီးကြဲတဲ့ခေါင်းဘီးနဲ့ ဖြီးလိုက်ပါ။

- Leave-in conditioner ကတော့ နာမည်နဲ့လိုက်ဖက်အောင်ပဲ ရေဆေးချစရာမလိုဘဲ ဒီတိုင်းထားလိုက်လို့ ရပါတယ်။

Zombie (lovemedia)

Post a Comment

0 Comments