မျက်နှာအသားအရေကို အကျိုးပြုတဲ့ မီးသွေး mask ကို အိမ်မှာတင်အလွယ်တကူပြုလုပ်နည်း (၂) မျိုး

မျက်နှာအသားအရေအတွက် အသင့်တော်ဆုံး mask တွေထဲက တစ်ခုကတော့ မီးသွေးနဲ့ ပြုလုပ်တဲ့ mask ပါပဲ။ မီးသွေးနဲ့ ပြုလုပ်တဲ့ mask က ချွေးပေါက်တွေပွင့်အောင် ကူညီပေးပြီး တစ်ချိန်တည်းမှာပဲ ချွေးပေါက်ထဲက အညစ်အကြေးတွေကိုလည်း ဖယ်ရှားပေးပါသေးတယ်။

ဝက်ခြံတွေ မဖြစ်မလာအောင် ကာကွယ်ပေးတာကတော့ မီးသွေး mask ရဲ့အစွမ်းပါပဲ။ အဲဒါကြောင့် အိမ်မှာတင် မီးသွေး mask ကို ဘယ်လိုပြုလုပ်နိုင်မလဲ ဆိုတာကို love media ကနေ ဖော်ပြပေးပါမယ်နော်။

နည်းလမ်း ၁

လိုအပ်သောပစ္စည်းများ

- မီးသွေးခဲ ၆ ပြား

- အနံ့မပါတဲ့ဂျယ်လီမှုန့် လက်ဖက်ရည်ဇွန်း ၁ ဇွန်း

- ရေနွေးလက်ဖက်ရည်ဇွန်း ၃ ဇွန်း

ပါဝင်ပစ္စည်းတွေကို ပန်းကန်လုံးတစ်ခုထဲမှာ ထည့်ပြီး ပျစ်လာတဲ့အထိ မွှေပါ။ မွှေပြီးနောက် မိနစ်အနည်းငယ်ကြာအောင် အအေးခံထားပါ။ မိတ်ကပ်ဘရက်ရှ်တစ်ခုနဲ့ မွှေထားတာတွေကို ကော်ယူပြီး မျက်နှာအနှံ့ လိမ်းပေးပါ။

ဒါပေမယ့် မျက်လုံးနားရောက်ရင်တော့ မျက်လုံးနဲ့ အနည်းငယ်ခွာပြီးမှ လိမ်းပါ။ ၁၀ မိနစ်လောက်ကြာပြီးရင်တော့ ညင်ညင်သာသာ ခွာလိုက်လို့ရပါပြီ။

နည်းလမ်း ၂

လိုအပ်သောပစ္စည်းများ

- မီးသွေးခဲ ၁၅ ပြား

- ရေနွေးလက်ဖက်ရည်ဇွန်း ၃ ဇွန်း

- ရွှံ့အဖြူ လက်ဖက်ရည်ဇွန်း ၃ ဇွန်း

မီးသွေးခဲလေးတွေကို အမှုန့်ကြိတ်ပြီး ရေနွေးလောင်းလိုက်ပါ။ အဲဒီနောက် ရွှံ့ထည့်ပါ။ အခဲတွေ မကျန်တော့တဲ့အထိ သေသေချာချာ မွှေပေးပါ။ မွှေထားတာကို ရလာရင် ဘူးတစ်ခုထဲမှာ ပြောင်းထည့်ပြီး မျက်နှာမှာ လိမ်းလို့ရပါပြီ။ ၁၀ မိနစ်ခန့်ကြာပြီးရင်တော့ mask ကို ခွာလိုက်လို့ ရပါပြီ။

Tips

- ဘယ် mask ကိုမဆို အသုံးပြုခါနီးတိုင်းမှာ မိတ်ကပ်တွေ မကျန်အောင် မျက်နှာကို စင်အောင်သစ်ဖို့ လိုအပ်ပါတယ်။

- မီးသွေးနဲ့ ပြုလုပ်တဲ့ mask ကို သုံးပြီးတိုင်းမှာ မျက်နှာကို ရေနွေးနဲ့ သစ်ပါ။ မျက်နှာကို ခြောက်သွေ့အောင်ထားပြီးရင် ရေဓာတ်ဖြည့်ခရင်မ်လိမ်းပါ။

- အညစ်အကြေးတွေ ပိုပြီးပြောင်စင်စေဖို့ mask သုံးပြီးနောက်မှာ မျက်နှာကို ကြေးချွတ်လို့ရပါတယ်။

- သင်က အဆီပြန်တဲ့ အသားအရေရှိတယ်ဆိုရင် တစ်ပတ်ကို နှစ်ကြိမ်ခန့် မီးသွေးနဲ့ ပြုလုပ်တဲ့ mask ကို အသုံးပြုလို့ရပါတယ်။ ခြောက်သွေ့တဲ့ အသားအရေရှိရင်တော့ နှစ်ပတ်ကို တစ်ကြိမ်ပဲ အသုံးပြုပါ။

- မီးသွေးက မျက်နှာက အမာရွတ်တွေကို ဖယ်ရှားပေးနိုင်တဲ့ အစွမ်းရှိပါတယ်။

- မျက်နှာအသားအရေအတွက် skin care ရွေးချယ်တော့မယ်ဆိုရင် အရေပြားဆရာဝန်နဲ့ အရင်တိုင်ပင်ပါ။

Zombie (lovemedia)

Post a Comment

0 Comments