အဆီကြွယ်ဝပေမယ့် ကိုယ်အလေးချိန်လျှော့ရာမှာ အကျိုးပြုတဲ့ အစားအစာ (၈) မျိုး

အဆီပါတဲ့ အစားအစာတိုင်းက ခန္ဓာကိုယ်က အဆီတက်စေတာ မဟုတ်ပါဘူး။ အချို့အဆီပါတဲ့အစားအစာတွေက ကိုယ်အလေးချိန်ချတဲ့ နေရာမှာတောင် ကူညီပေးနိုင်ပါတယ်။ အဲဒါကြောင့် ကိုယ်အလေးချိန် လျှော့ချရာမှာ အကျိုးပြုတဲ့ အဆီတွေအကြောင်းကို love media ကနေ ဖော်ပြပေးပါမယ်နော်။

၁။

အဆီပါဝင်မှုများတဲ့ ထောပတ်သီးမှာ oleic အက်စစ် ပါဝင်ပါတယ်။ အဲဒီအက်စစ်က ကိုလက်စထရောကို နည်းစေပြီး သွေးထဲက ဂလူးကို့စ်ကိုလည်း တည်ငြိမ်စေပါတယ်။ ကိုယ်ခံအားစနစ်လည်း ကောင်းစေပါတယ်။ ဒါပေမယ့် ထောပတ်ဆီကတော့ ကယ်လိုရီတွေ အမြောက်အများပါဝင်တာကြောင့် ကိုယ်အလေးချိန် လျှော့နေသူတွေအတွက် ရှောင်သင့်တဲ့ အစားအစာပါ။

၂။

ဆော်လမွန်ငါးမှာ ဗီတာမင်အေ အမြောက်အများနဲ့ အိုမီဂါအက်စစ်တို့ ပါဝင်ပါတယ်။ အဲဒါကြောင့် အသားအရေ လှပစေတဲ့အပြင် စိတ်ကျရောဂါ၊ အဆစ်ရောင်နာတွေ အတွက်ပါ သင့်တော်တဲ့ အစားအစာပါပဲ။

အမဲသားအူချောင်းဖြစ်တဲ့ salami ကို အစားများရင်တော့ အဝတိုင်းပြည်ကို ရောက်သွားမှာ အသေအချာပါပဲ။ ဆော်လမွန်ငါးနဲ့ salami ကို ယှဉ်ကြည့်မယ်ဆိုရင် ဆော်လမွန်ငါးက ပရိုတိန်းကြွယ်ဝတဲ့ အစားအစာဖြစ်ပြီးတော့ salami ကတော့ ဗိုက်ပိုဆာသလို ခံစားရစေမှာပါ။

၃။

ကိုယ်အလေးချိန် လျှော့ချတဲ့အခါ ပရိုတိန်း၊ ဗီတာမင်၊ အင်တီအောက်ဆီးဒင့်၊ ကျန်းမာရေးနဲ့ညီညွတ်တဲ့ အဆီတွေပါဝင်တဲ့ ကြက်ဥကို ရွေးချယ်သင့်ပါတယ်။ ကြက်ဥမှာ ၈၅ ကယ်လိုရီပဲ ပါဝင်တဲ့အပြင် သူ့မှာရှိတဲ့ choline ခန္ဓာကိုယ်က အဆီပိုတွေကို တိုက်ဖျက်ပေးပါတယ်။

ဝက်ဆားနယ်ခြောက်မှာ ၄၂ ကယ်လိုရီပင်ပါဝင်ပေမယ့် ကျန်းမာရေးနဲ့ မညီညွတ်တဲ့အဆီတွေ၊ ဆားတွေ အများကြီးပါဝင်နေပါတယ်။ အဲဒါကြောင့် ကိုယ်အလေးချိန် လျှော့နေသူတွေအတွက် ရှောင်သင့်တဲ့ အစားအစာပါပဲ။

၄။

အစေ့အဆံတွေက ခန္ဓာကိုယ်ရဲ့ဇီဝကမ္မဖြစ်စဉ်တွေကို တိုးတက်စေတာကြောင့် ဗိုက်ပြည့်သလို ခံစားရမှာပါ။ အိုမီဂါ ၃၊ အင်တီအောက်ဆီးဒင့်၊ linolenic အက်စစ်တွေပါတာကြောင့် အစားစားချင်စိတ်ကို ထိန်းချုပ်ပြီးသားလည်း ဖြစ်စေမှာပါ။ စားလို့ကောင်းတဲ့ ပေါက်ပေါက်မှာတော့ သကြား၊ ဆား၊ အဆီတွေပါဝင်ပါတယ်။ ပေါက်ပေါက် ၂၀၀ ဂရမ်ကို စားလိုက်ရင် ၁၅၀၀ ကယ်လိုရီလောက် လွယ်လွယ်နဲ့ တက်သွားပါတယ်။

၅။

ကျန်းမာရေးနဲ့ သင့်တော်တဲ့ အဆီတွေပါဝင်တဲ့ ဒိန်ချဉ်က ကိုယ်အလေးချိန် လျှော့နေသူတွေကြားမှာ အကောင်းဆုံးအစားအစာထဲက တစ်ခုပါပဲ။ ချဉ်ပြုံးပြုံးခရင်မ်က လူကြိုက်များတဲ့အစားအစာတစ်ခု ဖြစ်ပေမယ့် သူ့မှာ အဆီပါဝင်မှု များပါတယ်။ သူ့ကို စားပြီးရင် ခါးဆိုဒ်က သိသိသာသာ တက်လာတာပါ။ အဲဒါကြောင့် ဒိန်ချဉ်နဲ့ ချဉ်ပြုံးပြုံးခရင်မ်ထဲက တစ်ခုကို ရွေးမယ်ဆိုရင် ဒိန်ချဉ်ကိုသာ ရွေးချယ်သင့်ပါတယ်။

၆။

ကိုလက်စထရောကို လျှော့ချပေးတဲ့ သံလွင်ဆီက အစားစားချင်စိတ်ကိုလည်း နည်းစေပါတယ်။ အစာအိမ်၊ အသားအရေနဲ့ဆံပင်ကိုလည်း အကျိုးပြုပါသေးတယ်။ ဟင်းသီးဟင်းရွက်ဆီက ကယ်လိုရီအရမ်းများတဲ့ ဆီတစ်မျိုးပါ။ ဟင်းသီးဟင်းရွက်ဆီကို သုံးမယ်ဆိုရင် တစ်ရက်ကို လက်ဖက်ရည်ဇွန်း တစ်ဇွန်းလောက်သာ စားသုံးသင့်ပါတယ်။

၇။

ချိစ်မှာပါတဲ့ အဆီတွေက ခန္ဓာကိုယ်က အဆီတွေကို လောင်ကျွမ်းတာ မြန်စေပါတယ်။ ဒါပေမယ့် ခရင်မ်တွေမှာတော့ ကယ်လိုရီတွေ အများအပြားပါဝင်တာကြောင့် ကိုယ်အလေးချိန် လျှော့ချသူတွေအတွက် ရှောင်သင့်တဲ့ အစားအစာပါ။ ဒါအပြင် ခရင်မ်တွေက ကိုလက်စထရောတွေကိုပါ မြင့်တက်စေပါတယ်။

၈။

သိုးသားမှာပါတဲ့ အဆီက အဆီတစ်ရှူးတွေကို တိုက်ဖျက်ပေးပါတယ်။ ကိုလက်စထရောကိုလည်း နည်းစေတာကြောင့် ဝိတ်ချလိုသူတွေအတွက် အကျိုးပြုတဲ့ အသားပါပဲ။ ပရိုတိန်းနဲ့ အာဟာရဓာတ်တွေလည်း ပါဝင်ပါသေးတယ်။ ဒါပေမယ့် ဝက်သားရဲ့အဆီတွေကတော့ ကယ်လိုရီတွေ အရမ်းများပါတယ်။ ဝက်သားကို အများအပြားစားတဲ့အခါ အဝလွန်တဲ့အထိ ရောက်သွားမှာပါ။

Zombie (lovemedia)

Post a Comment

0 Comments