ခန္ဓာကိုယ်ကို သဘာဝအတိုင်း ပြည့်ပြည့်ဝဝ ဖြစ်လာစေမယ့် နည်းလမ်း (၈) ခု

တစ်ခါတရံမှာ ပိန်ဖို့ထက် ဝဖို့က ပိုပြီးခက်ခဲနေတတ်ပါတယ်။ အရမ်းပိန်တဲ့အခါမှာလည်း ကိုယ့်ကိုယ်ကိုယ် အားမလိုအားမရဖြစ်တာ၊ ယုံကြည်မှုနည်းတာတွေကို ကြုံတွေ့ရပါတယ်။ အဲဒါကြောင့် သဘာဝနည်းနဲ့ ဝဝပြည့်ပြည့်လေး ဖြစ်လာစေမယ့် နည်းလမ်းလေးတွေကို love media ကနေ ဖော်ပြပေးပါမယ်နော်။

၁။ BMI နဲ့ တွက်ချက်ပါ။

BMI ဆိုတာ ခန္ဓာကိုယ်မှာရှိတဲ့ အဆီပမာဏကို အနီးစပ်ဆုံးသိရဖို့ သုံးတဲ့နည်းလမ်းတစ်ခု ဖြစ်ပါတယ်။ BMI ကို တွက်ဖို့က မိမိရဲ့ကိုယ်အလေးချိန် (ကီလိုဂရမ်) ကို တည်ပြီး မိမိရဲ့အရပ် (မီတာ) နဲ့စားလိုက်ရုံပါပဲ။ အရွယ်ရောက်ပြီးသူတွေအတွက် ကျန်းမာတဲ့ BMI range က ၁၈.၅ မှ ၂၄.၉ အတွင်းဖြစ်ပါတယ်။ ၁၈.၅ အောက်ဆိုရင် ပိန်တယ်လို့ သတ်မှတ်နိုင်ပြီး ၂၅ မှ ၂၉.၉ ဆိုရင် အဝလွန်တယ်လို့ သတ်မှတ်ပါတယ်။ ၃၀ အထက်ဆိုရင်တော့ အလွန်ဝတယ်လို့ သတ်မှတ်ကြပါတယ်။

၂။ များများစားပါ။

မြန်မြန်ဝလာဖို့ရင် နို့ထွက်အစားအစာတွေ၊ ဒိန်ခဲတွေ၊ စွပ်ပြုတ်တွေကို များများစားပေးပါ။ ဒါ့အပြင် ပါစတာ၊ ပေါင်မုန့်အဖြူ၊ အစေ့အဆံ၊ အာလူး၊ မြေပဲ၊ သစ်သီးခြောက်တွေကိုလည်း စားပေးလို့ပါတယ်။

၃။ အိပ်ရေးဝဝအိပ်ပါ။

ခန္ဓာကိုယ်အလေးချိန် တက်ဖို့နဲ့ ကြွက်သားကြီးထွားလာဖို့အတွက် အိပ်ရေးဝဝ အိပ်ပါ။ ညသန်းခေါင်မရောက်ခင်မှာ အိပ်ရာဝင်ပြီး တစ်နေ့ကို အနည်းဆုံး ၈ နာရီ အိပ်ပေးသင့်ပါတယ်။

၄။ ပန်းကန်ကြီးကြီးနဲ့ စားပါ။

ကိုယ်အလေးချိန်ကျဖို့ဆိုရင် ပန်းကန်သေးသေးလေးနဲ့ စားဖို့လိုသလိုပါပဲ။ ကိုယ်အလေးချိန်တက်ဖို့ဆိုရင် ပန်းကန်ခပ်ကြီးကြီးနဲ့ စားပါ။ ပန်းကန်ကြီးကြီးကို မြင်လိုက်ရင် ဦးနှောက်က ဗိုက်မပြည့်သေးဘူးထင်ပြီး ပိုပိုစားချင်လာပါတယ်။

၅။ ခန္ဓာကိုယ်ကြံ့ခိုင်အောင်လုပ်ပါ။

ပိန်တာနဲ့ ခန္ဓာကိုယ် ကျစ်ကျစ်လျစ်လျစ် ဖြစ်သွားတာက အရမ်းကို ကွာခြားပါတယ်။ လေ့ကျင့်ခန်းတွေလုပ်တဲ့အခါ ကြွက်သားထုထည်လည်း တက်လာမှာပါ။ အဲဒါကြောင့် cardio exercise တွေထက် power sports တွေကို ပိုပြီးလုပ်ပါ။ လေ့ကျင့်ခန်းလုပ်တဲ့အခါ တစ်ပတ်ကို ၃ ကြိမ်ထက် ပိုမလုပ်သင့်ပါဘူး။ ကြွက်သား ကြီးထွားလာဖို့ နားချိန်ပေးဖို့လည်း လိုပါသေးတယ်။

၆။ တစ်နေ့ကို ၃ ကြိမ်ထက် ပိုစားပါ။

ကယ်လိုရီများများပါပြီး အာဟာရလည်းရှိမယ့် အစားအစာတွေကို တစ်နေ့ကို ၃ ကြိမ်ထက် ပိုပြီးစားပါ။ ကဆီဓာတ်၊ ပရိုတိန်းနဲ့ အဆီပါဝင်မှုများတဲ့ အစားအစာတွေကို ပိုပြီး ရွေးချယ်ပါ။

၇။ ကောင်းမွန်တဲ့ပရိုတိန်းကို ရွေးချယ်ပါ။

ကိုယ်အလေးချိန် တက်လာဖို့အတွက် ပရိုတိန်းက အရေးအကြီးဆုံး အာဟာရပါပဲ။ ပရိုတိန်းပါဝင်မှုများတဲ့ အစားအစာတွေကတော့

- ကြက်သား

- အမဲသား

- ဝက်သား

- အမဲအသည်း

- ကြက်သားအသည်း

- ကြက်ဥ

- ဆော်လမွန်ငါး

- တူနာငါး

- ပြည်ကြီးငါး

- ဂဏန်း

- ပုစွန်

- နွားနို့

- ဒိန်ခဲ

- ဒိန်ခဲပျော့

- ပဲစေ့

- ကုလားပဲ

- ပဲနီလေး

- ဟေဇယ်သီး

- သစ်ကြားသီး

- ဗာဒံသီး စတဲ့အစားအစာတွေပါပဲ

၈။ စိတ်ကို တည်တည်ငြိမ်ငြိမ်ထားပါ။

အရမ်းဝချင်စိတ်တွေ ဖိစီးလာရင်လည်း မဝလာပါဘူး။ အဲဒါကြောင့် စိတ်ကို တည်တည်ငြိမ်ငြိမ်ထားဖို့လည်း လိုပါတယ်။ ယောဂ၊ အသက်ရှူလေ့ကျင့်ခန်းနဲ့ တရားထိုင်တာတွေက စိတ်ကို တည်ငြိမ်စေတာကြောင့် ကိုယ်အလေးချိန်တက်ဖို့အတွက် အကူအညီ ဖြစ်စေမှာပါ။

Zombie (lovemedia)

Post a Comment

0 Comments