ထောင်ကအပြန်

ယနေ့ သားဖြစ်သူ ထောင်က လွတ်မည့်ရက် ဖြစ်သည်။ ဖခင်က ထောင်ထဲတွင် ငါးနှစ်ခန့် သွားနေလိုက် ရသည့် သားဖြစ်သူကို အစီအစဉ် တခုဖြင့် ကြိုဆိုရန် ဆုံးဖြတ် လိုက်သည်။

သူက အိမ်၏ ဝင်ဝင်ချင်း နေရာတွင် စားပွဲ တလုံးကို ချထားသည်။ ထိုစားပွဲပေါ်တွင် အရက်ပုလင်း တလုံး၊ ပိုက်ဆံ တပုံ၊ သေနတ်တလက်၊ တရားစာအုပ် တအုပ်ကို ချထား လိုက်သည်။

သူ့ဇနီးက မေးသည်။ "ဘာလုပ်တာလဲတော့"

"မင်းရဲ့ သားကို ကြိုဆိုဖို့လေ"

"သားကို ကြိုတာ ဟုတ်ပါပြီ ဘာဖြစ်လို့ အရက်တွေ ပိုက်ဆံတွေ သေနတ်တွေ စာအုပ်တွေ ပြင်ထားရ တာလဲ"

"ဒီမှာ မိန်းမ၊ ငါတို့သား နောင်ရေးကို စမ်းသပ် ချင်လို့၊ သူထောင်က လွတ်လာ ပြီးတော့ ဘာလုပ်မလဲ ဆိုတာ သိချင်လို့"

"ရှင့်ဟာက မရှင်းလိုက်တာရှင်"

"သူက အရက်ပုလင်းကို ကောက်ကိုင် လိုက်ရင် အဲဒီကောင် အရက်သမား ဖြစ်သွားမယ်"

"ပိုက်ဆံ ကောက်ကိုင်ရင် ရောရှင်"

"ပိုက်ဆံ ကောက်ကိုင်ရင် ဒီကောင် စီးပွားရေး လုပ်လိမ့်မယ်"

"ထားပါ သေနတ် ကောက်ကိုင်ရင်ရော

"သေနတ် ကောက်ကိုင်ရင် အဲဒီကောင် လူဆိုး လုပ်မှာ ကျိန်းသေ"

"တရားစာအုပ် ဆိုရင်ရော"

"ဘုန်းကြီးဝတ်မှာဗျ"

ထိုအချိန်တွင် အိမ်ရှေ့၌ လူသံ ကြားလိုက်ရ သဖြင့် ဇနီးမောင်နှံ နှစ်ယောက် အကွယ်လေးတွင် ပုန်းကာ သူတို့သား ဘာလုပ်မည် ဆိုခြင်းကို ချောင်းနေ ကြသည်။

သားဖြစ်သူက အိမ်ထဲ ဝင်လာသည်။ စားပွဲပေါ်တွင် ခင်းကျင်း ထားသည် တို့ကို ကြည့်သည်။ အရက်ပုလင်းကို ကောက်ကိုင်ကာ ဖွင့်လိုက်ပြီး အရက်တငုံ သောက်လိုက်သည်။

ထို့နောက် ပုလင်းကို ပြန်ချပြီး ပိုက်ဆံကို ယူကာ အိတ်ထဲ ထည့်လိုက်သည်။ ထို့နောက် သေနတ်ကို ခါးကြား ထိုးသည်။ ပြီးလျှင် တရားစာအုပ်ကို ယူပြီး အိမ်ထဲက ပြန်ထွက် သွားသည်။

ဇနီးဖြစ်သူက "ကဲ ဘယ့်နှယ်ရှိစ" ဟု မေးလိုက်သည်။

"ကောင်းသကွယ်၊ သေချာပြီ မင်း သား နိုင်ငံရေး လုပ်စားတော့မယ်"

တင်ညွန့် ၁၈.၂.၂၀၂၂ (Return from Prison ကို မြန်မာမှု ပြုပါသည်)

Zawgyi

ေထာင္ကအျပန္

ယေန႔ သားျဖစ္သူ ေထာင္က လြတ္မည့္ရက္ ျဖစ္သည္။ ဖခင္က ေထာင္ထဲတြင္ ငါးႏွစ္ခန႔္ သြားေနလိုက္ ရသည့္ သားျဖစ္သူကို အစီအစဥ္ တခုျဖင့္ ႀကိဳဆိုရန္ ဆုံးျဖတ္ လိုက္သည္။

သူက အိမ္၏ ဝင္ဝင္ခ်င္း ေနရာတြင္ စားပြဲ တလုံးကို ခ်ထားသည္။ ထိုစားပြဲေပၚတြင္ အရက္ပုလင္း တလုံး၊ ပိုက္ဆံ တပုံ၊ ေသနတ္တလက္၊ တရားစာအုပ္ တအုပ္ကို ခ်ထား လိုက္သည္။

သူ႔ဇနီးက ေမးသည္။ "ဘာလုပ္တာလဲေတာ့"

"မင္းရဲ႕ သားကို ႀကိဳဆိုဖို႔ေလ"

"သားကို ႀကိဳတာ ဟုတ္ပါၿပီ ဘာျဖစ္လို႔ အရက္ေတြ ပိုက္ဆံေတြ ေသနတ္ေတြ စာအုပ္ေတြ ျပင္ထားရ တာလဲ"

"ဒီမွာ မိန္းမ၊ ငါတို႔သား ေနာင္ေရးကို စမ္းသပ္ ခ်င္လို႔၊ သူေထာင္က လြတ္လာ ၿပီးေတာ့ ဘာလုပ္မလဲ ဆိုတာ သိခ်င္လို႔"

"ရွင့္ဟာက မရွင္းလိုက္တာရွင္"

"သူက အရက္ပုလင္းကို ေကာက္ကိုင္ လိုက္ရင္ အဲဒီေကာင္ အရက္သမား ျဖစ္သြားမယ္"

"ပိုက္ဆံ ေကာက္ကိုင္ရင္ ေရာရွင္"

"ပိုက္ဆံ ေကာက္ကိုင္ရင္ ဒီေကာင္ စီးပြားေရး လုပ္လိမ့္မယ္"

"ထားပါ ေသနတ္ ေကာက္ကိုင္ရင္ေရာ

"ေသနတ္ ေကာက္ကိုင္ရင္ အဲဒီေကာင္ လူဆိုး လုပ္မွာ က်ိန္းေသ"

"တရားစာအုပ္ ဆိုရင္ေရာ"

"ဘုန္းႀကီးဝတ္မွာဗ်"

ထိုအခ်ိန္တြင္ အိမ္ေရွ႕၌ လူသံ ၾကားလိုက္ရ သျဖင့္ ဇနီးေမာင္ႏွံ ႏွစ္ေယာက္ အကြယ္ေလးတြင္ ပုန္းကာ သူတို႔သား ဘာလုပ္မည္ ဆိုျခင္းကို ေခ်ာင္းေန ၾကသည္။

သားျဖစ္သူက အိမ္ထဲ ဝင္လာသည္။ စားပြဲေပၚတြင္ ခင္းက်င္း ထားသည္ တို႔ကို ၾကည့္သည္။ အရက္ပုလင္းကို ေကာက္ကိုင္ကာ ဖြင့္လိုက္ၿပီး အရက္တငုံ ေသာက္လိုက္သည္။

ထို႔ေနာက္ ပုလင္းကို ျပန္ခ်ၿပီး ပိုက္ဆံကို ယူကာ အိတ္ထဲ ထည့္လိုက္သည္။ ထို႔ေနာက္ ေသနတ္ကို ခါးၾကား ထိုးသည္။ ၿပီးလွ်င္ တရားစာအုပ္ကို ယူၿပီး အိမ္ထဲက ျပန္ထြက္ သြားသည္။

ဇနီးျဖစ္သူက "ကဲ ဘယ့္ႏွယ္ရွိစ" ဟု ေမးလိုက္သည္။

"ေကာင္းသကြယ္၊ ေသခ်ာၿပီ မင္း သား ႏိုင္ငံေရး လုပ္စားေတာ့မယ္"

တင္ၫြန႔္ ၁၈.၂.၂၀၂၂ (Return from Prison ကို ျမန္မာမႈ ျပဳပါသည္)

Post a Comment

0 Comments